நடிகர் விஜய் சேதுபதி தற்போது தமிழ், இந்தி மற்றும் மலையாளம் ஆகிய மொழி படங்களில் நடித்து வருகிறார். இவர் கைவசம் ‘விடுதலை’, ‘மெர்ரி கிறிஸ்துமஸ்’, ‘காந்தி டாக்ஸ்’, ’மும்பைக்கர்’ உள்ளிட்ட படங்கள் உள்ளது. சில வாரங்களுக்கு முன்பு விக்னேஷ் சிவன் இயக்கத்தில் வெளியான ‘காத்துவாக்குல இரண்டு காதல்’ படத்தின் வெற்றியை தொடர்ந்து விஜய் சேதுபதி, கமல் நடிப்பில் வெளியாகி இருக்கும் ‘விக்ரம்’ படத்திலும், சீனுராமசாமி இயக்கத்தில் ‘மாமனிதன்’ படத்திலும் நடித்துள்ளார். விக்ரம் படத்தில் வில்லன் கதாபாத்திரத்தில் ரசிகர்களை கவர்ந்தார் . இதனை அடுத்து ‘மாமனிதன்’ திரைப்படம் வருகிற ஜூன் 23-ஆம் தேதி திரையரங்கில் வெளியாகவுள்ளது.
இந்நிலையில் தெலுங்கு திரையுலகின் முன்னணி நடிகர் மகேஷ் பாபு அடுத்து திரிவிக்ரம் ஸ்ரீனிவாஸ் இயக்கத்தில் நடிக்கவிருக்கும் படத்தில் விஜய் சேதுபதி வில்லனாக நடிக்க இருப்பதாக தகவல் வெளியாகி உள்ளது. இப்படத்தின் படப்பிடிப்பு விரைவில் தொடங்கவுள்ளதாகவும், இதில் விஜய் சேதுபதி நடிப்பது குறித்த பேச்சு வார்த்தை நடைப்பெற்று வருவதாகவும் கூறப்படுகிறது. கமல் நடிப்பில் வெளியாகியுள்ள விக்ரம் படத்தில் வில்லனாக விஜய் சேதுபதி நடித்திருந்ததை தொடர்ந்து மகேஷ் பாபு படத்தில் நடிக்க இருப்பதை ரசிகர்கள் பெரிதும் எதிர்ப்பார்த்து காத்திருக்கின்றனர். இதற்கு முன்பாக சூப்பர்ஸ்டார் ரஜினிகாந்த் நடித்த பேட்டா படத்திலும் , நடிகர் விஜய் நடித்த மாஸ்டர் படத்திலும் வில்லனாக நடித்து இருந்தார் விஜய் சேதுபதி .
விஜய் சேதுபதி வில்லனாக நடிக்கும் படங்கள் நன்றாக வரவேற்கப்படுகிறது. அவரின் வில்லத்தனமா நடிப்புvவிஜய் சேதுபதிக்கு தொடர்ந்து வில்லனாக நடிக்கவும் வாய்ப்பை வழங்கி கொண்டு இருக்கிறது .
Home