பிரபல நடிகை யாஷிகா ஆனந்த் சில படங்களில் மட்டுமே நடித்திருந்தாலும், இன்ஸ்டாகிராமில் தொடர்ந்து கவர்ச்சியான ஸ்டில்ஸை ஷேரிட்டு வருவதால் அவருக்கென மிகப் பெரிய ரசிகர் பட்டாளம் இருக்கிறது. ஆரம்பத்தில் கெஸ்ட் ரோலில் வலம் வந்த படம் ‘கவலை வேண்டாம்’.
அதன் பிறகு ‘துருவங்கள் பதினாறு’ படத்தில் ‘ஸ்ருதி’ என்ற கதையின் முக்கிய ரோலில் நடித்திருந்தார். ‘துருவங்கள் பதினாறு’ படத்துக்கு பிறகு ‘பாடம்’ என்ற படத்தில் ஹிந்தி டீச்சராக நடித்திருந்தார். பின், யாஷிகாவின் கேரியரில் மிகப் பெரிய ஹிட்டான படம் ‘இருட்டு அறையில் முரட்டு குத்து’.
‘இருட்டு அறையில் முரட்டு குத்து’ படத்துக்கு பிறகு ‘பிக் பாஸ்’ எனும் ரியாலிட்டி ஷோவிலும் கலந்து கொண்டு ரசிகர்களின் லைக்ஸை குவித்தார். இப்போது, யாஷிகா ஆனந்த் நடிப்பில் ‘ராஜபீமா, ஓடவும் முடியாது ஒளியவும் முடியாது, இவன் தான் உத்தமன், பாம்பாட்டம், சல்பர்’ என 5 படங்கள் லைன் அப்பில் இருக்கிறது.
சமீபத்தில், முன்னணி நடிகர் அஜித்தின் மச்சானும், நடிகருமான ரிச்சர்ட் ரிஷியும், யாஷிகா ஆனந்தும் நெருக்கமாக இருப்பது போன்ற புகைப்படங்கள் வெளியானது. இதனைத் தொடர்ந்து இவர்கள் இருவரும் காதலித்து வருவதாகவும், விரைவில் திருமணம் செய்யப்போவதாகவும் கோலிவுட்டில் தண்டோரா போடப்பட்டது.
தற்போது, இது குறித்து மீடியாவுக்கு பேட்டி கொடுத்த யாஷிகாவின் அம்மா “பரவி வரும் இச்செய்தி உண்மையல்ல. வதந்தியே. ரிச்சர்டும், யாஷிகாவும் சேர்ந்து ஒரு புதிய படத்தில் நடிக்கிறார்கள். அதன் ஷூட்டிங் ஸ்பாட்டில் எடுத்த ஸ்டில்ஸ் தான் இது” என்று கூறியுள்ளார்.
