காட்சிகளை மாற்ற சொன்னாரா சிவகார்த்திகேயன் ?

நடிகர் சிவகார்த்திகேயன் தமிழ் சினிமாவில் வளர்ந்து வரும் வரும் கதாநாயகனாக இருக்கிறார் .இவர் நடிப்பில் கடைசியாக வெளியான திரைப்படம் பிரின்ஸ் . இந்த படத்தை தெலுங்கு பட இயக்குனர் அனுதீப் இயக்கி உள்ளார் . தீபாவளி விழாவை முன்னிட்டு இந்த படம் வெளியாகி இருந்தது . மிக பெரிய எதிர்பார்ப்புடன் வெளியான இந்த படம் ரசிகர்களிடம் கலவையான விமர்சனங்களை பெற்று வருகிறது

சிவகார்த்திகேயன் தற்போது மண்டேலா படத்தின் இயக்குனர் மடோன் அஸ்வின் இயக்கும் ஒரு படத்தில் நடிக்கிறார் . இந்த படத்தின் தலைப்பு மாவீரன் என்று அறிவித்து இருந்தனர் . முதலில் இந்த படத்தில் நடிகர் விஜய் சேதுபதி முக்கியமான கதாபாத்திரத்தில் நடிக்க இருக்கிறார் என்ற தகவல் வெளியாகி இருந்தது . ஆனால் பின்பு அந்த தகவல் பொய் என்று கூறப்பட்டது .

தற்போது மாவீரன் படத்தில் சிவகார்த்திகேயனுக்கு வில்லனாக மிஷ்கின் நடிக்க உள்ளார் என்ற தகவல் வெளியாகி உள்ளது . அதில் சட்டமன்ற உறுப்பினராக நடிக்க உள்ளார் என்றும் கூறப்படுகிறது . மாவீரன் படம் அரசியல் சார்ந்த படமாக இருக்கும் என்ற எண்ணமும் ரசிகர்களிடம் எழுந்து உள்ளது .

இந்நிலையில் பிரின்ஸ் படத்தின் தோல்வி காரணமாக நடிகர் சிவகார்த்திகேயன் அப்செட்டில் உள்ளார் . இதனால் மாவீரன் படம் நிச்சயம் வெற்றி பெற வேண்டும் என்ற முனைப்பில் உள்ளார் .இதனால் இயக்குனர் மடோன் அஸ்வின் அவர்களிடம் அடிக்கடி காட்சிகளில் சில மாற்றங்களை தெரிவித்து வருகிறார் . ஆனால் சிவகார்த்திகேயனின் இந்த செயல் மடோன் அஸ்வின் அவர்களுக்கு சுத்தமாக பிடிக்கவில்லை என்ற தகவல் வெளியாகி உள்ளது . இதனால் சிவகார்த்திகேயன் மடோன் அஸ்வின் இவர்களுக்கு இடையே மனக்கசப்பு ஏற்பட்டு படப்பிடிப்பு நிறுத்தப்பட்டது என்ற தகவல் வெளியாகி உள்ளது .