தமிழில் முன்னணி நடிகர்களில் ஒருவரான தனுஷ் நடிப்பில் கார்த்திக் சுப்புராஜ் இயக்கத்தில் அடுத்து வெளிவரவிருக்கும் திரைப்படம் “ஜகமே தந்திரம்”. இந்த திரைப்படத்தின் ஃபர்ஸ்ட் சிங்கிள் தனுஷ் பிறந்தநாள் கொண்டாட்டத்தின் ஒரு பகுதியாக தற்போது வெளியாகியுள்ளது.
சந்தோஷ் நாராயணன் இசையில் ஜகமே தந்திரம் படத்தின் ஃபர்ஸ்ட் சிங்கிள் “ரகிட ரகிட ரகிட” லிரிக் வீடியோவாக தற்போது வெளியாகி, தனுஷ் ரசிகர்களிடையே வைரலாகி வருகிறது. விவேக் இந்த பாடலுக்கு வரிகளை எழுதியுள்ளார்.சந்தோஷ் நாராயணன், தனுஷ், தீ ஆகியோர் இந்த பாடலை பாடியுள்ளனர்.
ஒய் நாட் ஸ்டூடியோஸ் தயாரிப்பில் உருவாகியிருக்கும் இந்த திரைப்படத்தில் நடிகர் தனுஷுடன், ஐஸ்வர்யா லக்ஷ்மி மற்றும் ஜேம்ஸ் காஸ்மோ, சஞ்சனா நடராஜன், கலையரசன் நடித்துள்ளார்கள். ஸ்ரேயாஸ் கிருஷ்ணா இந்த படத்திற்கு ஒளிப்பதிவு செய்திருக்கிறார். விவேக் ஹர்ஷன் இந்த படத்தின் காட்சிகளை எடிட்டிங் செய்கிறார்.
மே 1ம் தேதி வெளிவர வேண்டிய இந்த திரைப்படம் கொரோனா லாக்டவுன் காரணமாக தற்போது தள்ளிவைக்கப்பட்டுள்ளது. தற்போது இந்த படத்தின் சிங்கிள் “ரகிட ரகிட ரகிட” தனுஷ் பிறந்தநாள் கொண்டாட்டமாக வெளியாகியுள்ளது, அவரது ரசிகர்களிடையே உற்சாகத்தை ஏற்படுத்தியுள்ளது. இந்த பாடல் வெளியான சில நிமிடங்களிலேயே அவரது ரசிகர்களிடையே வைரலாகி வருகிறது.
https://twitter.com/karthiksubbaraj/status/1287954959464423425?s=19
