“ஜகமே தந்திரம்”படத்தின் பாடல் எட்டிய புது உயரம்- உற்சாகத்தில் தனுஷ் ரசிகர்கள்!

தமிழில் முன்னணி நடிகர்களில் ஒருவரான தனுஷ் நடிப்பில் கார்த்திக் சுப்புராஜ் இயக்கத்தில் அடுத்து வெளிவரவிருக்கும் திரைப்படம் “ஜகமே தந்திரம்”.

இந்த திரைப்படத்தின் “புஜ்ஜு” என்ற வீடியோ பாடல் சமீபத்தில் இணையதளத்தில் வெளியாகி ரசிகர்களிடையே வைரலாகி வந்தது. தற்போது இந்த பாடல் யூடியூபில் 7 மில்லியன் வியூஸ்களைப் பெற்று வெற்றி நடைபோடுகிறது.

சோனி மியூசிக் என்ற இசை லேபிள் மூலம் வெளியான இந்தப் பாடலை சந்தோஷ் நாராயணன் இசையமைத்திருந்தார். அனிருத் ரவிச்சந்தர் இந்தப் பாடலை பாடியிருந்தார். பாடலாசிரியர் விவேக் இந்த பாடல் வரிகளை எழுதியிருந்தார்.

ஒய் நாட் ஸ்டூடியோஸ் தயாரிப்பில் உருவாகியிருக்கும் இந்த திரைப்படத்தில் நடிகர் தனுஷுடன், ஐஸ்வர்யா லக்ஷ்மி மற்றும் ஜேம்ஸ் காஸ்மோ, சஞ்சனா நடராஜன், கலையரசன் நடித்துள்ளார்கள். ஸ்ரேயாஸ் கிருஷ்ணா இந்த படத்திற்கு ஒளிப்பதிவு செய்திருக்கிறார். விவேக் ஹர்ஷன் இந்த படத்தின் காட்சிகளை எடிட்டிங் செய்கிறார்.

தற்போது வைரலாகி வரும் இந்த படத்தின் பாடலை அனைவரும் ரசித்து ஷேர் செய்து வருகிறார்கள்.