மீண்டும் ஜெய் பீம் படத்தை கையில் எடுத்த சூர்யா !

நடிகர் சூர்யா நடிப்பில் கடந்த ஆண்டு வெளியான படம் ஜெய் பீம். இந்த படத்தை டி.ஜே .ஞானவேல் இயக்கி இருந்தார் . இந்த படம் வெளியான பிறகு பல சர்ச்சைகளும் பிரச்சனைகளும் எழுந்தது . உண்மை சம்பவத்தை மையமாக வைத்து எடுக்கப்பட்ட இந்த படத்தில் உண்மையான காவல் துறை அதிகாரியின் பெயரை மாற்றியது மற்றும் ஒரு குறிப்பிட்ட சமூகத்தின் அடையாளத்தை காண்பித்த காரணமாக பல பிரச்சனைகள் எழுந்தன .

ஆனாலும் பொதுமக்கள் இந்த படத்தை கொண்டாடி தீர்த்தனர் . இந்த படத்தில் நடித்த மணிகண்டன் , லிஜோமோல் ஜோஸ், சூர்யா என எல்லோரும் சிறப்பான நடிப்பை வெளிப்படுத்தி இருந்தனர் .

இந்நிலையில் சென்னை நந்தனத்தில் நடைபெறும் புத்தகக்காட்சி 2023-ல் ஜெய்பீம் திரைப்படத்தின் திரைக்கதை மற்றும் படக்குழுவினருடனான கலந்துரையாடலும் நூலாக வெளிவருகிறது . இதனால் வளர்ந்து வரும் சினிமா இயக்குநர்களுக்கும் , சினிமா ஆர்வலர்களுக்கும் இந்த நூல் நிச்சயம் உதவும் என்று எதிர்பார்க்கப்படுகிறது .