தமிழ் சினிமாவில் மட்டுமின்றி இந்திய திரையுலகமே வியந்து பார்க்கும் அளவுக்கு பல சாதனைகள் செய்து மக்கள் மனதிலும் எப்பவும் சூப்பர் ஸ்டாராக வலம் வரும் ஒரே நடிகர் ரஜினிகாந்த் தான். இவர் போலீஸாக மாஸ் காட்டிய ‘தர்பார்’ படம் 2020-ஆம் ஆண்டு தொடக்கத்தில் வெளியானது.
இந்த படத்துக்கு பிறகு ரஜினி, சிவா இயக்கத்தில் ‘அண்ணாத்த’ என்ற படத்தில் நடித்திருந்தார். ‘சன் பிக்சர்ஸ்’ நிறுவனம் தயாரித்திருந்த இப்படம் கடந்த ஆண்டு (2021) நவம்பர் 4-ஆம் தேதி தீபாவளி ஸ்பெஷலாக திரையரங்குகளில் ரிலீஸானது.
ரஜினியின் 169-வது படமான ‘ஜெயிலர்’-ஐ பாப்புலர் இயக்குநர்களில் ஒருவரான நெல்சன் இயக்குகிறார். ‘சன் பிக்சர்ஸ்’ நிறுவனம் தயாரிக்கும் இந்த படத்துக்கு அனிருத் இசையமைக்கிறார். இந்த படத்தில் கன்னட நடிகர் ஷிவராஜ்குமார், ரம்யா கிருஷ்ணன், யோகி பாபு, விநாயகன், வசந்த் ரவி ஆகியோர் முக்கிய ரோல்களில் நடிக்கிறார்கள்.
இதன் ஷூட்டிங் பரபரப்பாக நடைபெற்று வருகிறது. இந்நிலையில், இன்று (டிசம்பர் 12-ஆம் தேதி) நடிகர் ரஜினிகாந்தின் பிறந்தநாள் என்பதால் ‘ஜெயிலர்’ படக்குழுவினர் அவருக்கு வாழ்த்து சொல்லும் ஒரு வீடியோ பதிவை வெளியிட்டுள்ளனர். இவ்வீடியோ பதிவு சமூக வலைத்தளங்களில் தீயாய் பரவி வருகிறது.
Team Jailer wishes Superstar @Rajinikanth a Happy Birthday! @Nelsondilpkumar @NimmaShivanna @meramyakrishnan @iYogiBabu #Vinayakan @iamvasanthravi #Jailer #SuperstarRajinikanth #HBDSuperstar #HBDSuperstarRajinikanth pic.twitter.com/9egZwkCXg7
— Sun Pictures (@sunpictures) December 12, 2022
