சிலம்பம் சுற்றி மாஸ் காட்டிய ‘ஜாங்கிரி’ மதுமிதா… தீயாய் பரவும் வீடியோ!

தமிழ் சினிமாவில் பிரபல நடிகைகளில் ஒருவராக வலம் வருபவர் ‘ஜாங்கிரி’ மதுமிதா. 2012-ஆம் ஆண்டு வெளியான ‘ஒரு கல் ஒரு கண்ணாடி’ படத்தின் மூலம் அறிமுகமானவர் நடிகை மதுமிதா. இதில் ‘ஜாங்கிரி’ என்ற கதாபாத்திரமாக வலம் வந்த மதுமிதா, அதிக கவனம் ஈர்த்தார்.

அதன் பிறகு ‘அட்டகத்தி, ராஜா ராணி, இதற்குத்தானே ஆசைப்பட்டாய் பாலகுமாரா, ஜில்லா, காக்கி சட்டை, காஞ்சனா 2, டிமான்ட்டி காலனி, காஷ்மோரா, கவலை வேண்டாம், இருட்டு அறையில் முரட்டு குத்து, கஜினிகாந்த், விஸ்வாசம்’ போன்ற பல படங்களில் நடித்தார். தற்போது, ‘ஜாங்கிரி’ மதுமிதா நடிப்பில் ‘ஆயிரம் ஜென்மங்கள், டிக்கிலோனா, டைட்டானிக் காதலும் கவுந்து போகும்’ என மூன்று படங்கள் லைன் அப்பில் இருக்கிறது.

இந்நிலையில், ‘ஜாங்கிரி’ மதுமிதா தனது ட்விட்டர் பக்கத்தில் “நான் இப்போது சிலம்பம் கற்றுக் கொண்டு வருகிறேன். எனது குரு மாஸ்டர் பாண்டியன் அவர்கள் தான்” என்று பதிவிட்டுள்ளார். மேலும், அவர் சிலம்பம் சுற்றும் வீடியோ பதிவையும் வெளியிட்டுள்ளார். இந்த வீடியோ ரசிகர்களை ‘வாவ்’ சொல்ல வைத்திருக்கிறது.