அடேங்கப்பா… ‘ஜெயம்’ ரவியின் ‘அகிலன்’ முதல் நாள் வசூல் இவ்ளோவா?

தமிழ் சினிமாவில் பிரபல நடிகராக வலம் வந்து கொண்டிருப்பவர் ‘ஜெயம்’ ரவி. இவர் நடிப்பில் ‘பொன்னியின் செல்வன் 2, இறைவன், அகிலன், சைரன்’ மற்றும் இயக்குநர் எம்.ராஜேஷ் படம் என 5 படங்கள் லைன் அப்பில் இருந்தது.

இதில் ‘அகிலன்’ படம் நேற்று (மார்ச் 10-ஆம் தேதி) திரையரங்குகளில் ரிலீஸானது. இந்த படத்தை பாப்புலர் இயக்குநர்களில் ஒருவரான கல்யாண கிருஷ்ணன் இயக்கியுள்ளார்.

இப்படத்தில் ‘ஜெயம்’ ரவிக்கு ஜோடியாக ப்ரியா பவானி ஷங்கர் நடித்துள்ளார். மேலும், மிக முக்கிய ரோல்களில் தன்யா ரவிச்சந்திரன், ஹரீஷ் பெராடி, ஹரிஷ் உத்தமன், தருண் அரோரா, மதுசூதனன் ராவ், சிராக் ஜானி ஆகியோர் நடித்துள்ளனர்.

இதற்கு சாம்.சி.எஸ் இசையமைத்துள்ளார், விவேக் ஆனந்த் ஒளிப்பதிவு செய்துள்ளார். தற்போது, இந்த படத்தின் முதல் நாள் வசூல் உலக அளவில் ரூ.2.25 கோடி என்று தகவல் கிடைத்துள்ளது.