அடேங்கப்பா… ‘ஜெயம்’ ரவியின் ‘இறைவன்’ முதல் நாள் வசூல் இவ்ளோவா?

தமிழ் சினிமாவில் பிரபல நடிகராக வலம் வந்து கொண்டிருப்பவர் ‘ஜெயம்’ ரவி. இவர் நடிப்பில் ‘இறைவன், சைரன், ஜீனி, தனி ஒருவன் 2’ மற்றும் இயக்குநர் எம்.ராஜேஷ் படம் என ஐந்து படங்கள் லைன் அப்பில் இருந்தது.

இதில் சைக்கோ த்ரில்லர் படமான ‘இறைவன்’ நேற்று (செப்டம்பர் 28-ஆம் தேதி) திரையரங்குகளில் ரிலீஸானது. இதனை பாப்புலர் இயக்குநர்களில் ஒருவரான ஐ.அஹமத் இயக்கியுள்ளார்.

இந்த படத்தில் ‘ஜெயம்’ ரவிக்கு ஜோடியாக ‘லேடி சூப்பர் ஸ்டார்’ நயன்தாரா நடித்துள்ளார். மேலும், மிக முக்கிய ரோல்களில் ராகுல் போஸ், ஆசிஷ் வித்யார்த்தி, நரேன், சார்லி ஆகியோர் நடித்துள்ளனர்.

யுவன் ஷங்கர் ராஜா இசையமைத்துள்ள இதற்கு ஹரி.கே.வேதாந்த் ஒளிப்பதிவு செய்துள்ளார், ஜே.வி.மணிகண்டா பாலாஜி படத்தொகுப்பாளராக பணியாற்றியுள்ளார். தற்போது, இந்த படத்தின் முதல் நாள் வசூல் ரூ.2.50 கோடி என தகவல் கிடைத்துள்ளது.