இந்த வாரம் OTT-யில் ரிலீஸாகியிருக்கும் தமிழ் படங்களின் லிஸ்ட்!

சினிமாவில் மாஸ் காட்டி வரும் ஒவ்வொரு ஹீரோ, ஹீரோயினுக்கும் மிகப் பெரிய ரசிகர் பட்டாளம் இருக்கிறது. தன் ரசிகர்களுக்காக தொடர்ந்து நல்ல படங்களை தேர்ந்தெடுத்து ஹீரோஸ் & ஹீரோயின்ஸ் நடித்து வருகிறார்கள். இந்த வாரம் OTT-யில் ரிலீஸாகியுள்ள தமிழ் படங்களின் லிஸ்ட் இதோ…

1.பாயும் ஒளி நீ எனக்கு :

தமிழ் சினிமாவில் பாப்புலர் ஹீரோக்களில் ஒருவராக வலம் வருபவர் விக்ரம் பிரபு. இவர் ஹீரோவாக நடித்த ‘பாயும் ஒளி நீ எனக்கு’ திரைப்படம் கடந்த ஜூன் 23-ஆம் தேதி திரையரங்குகளில் ரிலீஸானது.

இந்த படத்தை இயக்குநர் கார்த்திக் அத்வைத் இயக்கியுள்ளார். இதில் விக்ரம் பிரபுவுக்கு ஜோடியாக வாணி போஜன் நடித்துள்ளார். மேலும், மிக முக்கிய ரோல்களில் தனஞ்செயா, விவேக் பிரசன்னா மற்றும் பலர் நடித்துள்ளனர்.

சாகர் இசையமைத்துள்ள இதற்கு ஸ்ரீதர் ஒளிப்பதிவு செய்துள்ளார், சி.எஸ்.பிரேம் குமார் படத்தொகுப்பாளராக பணியாற்றியுள்ளார். இப்படம் பிரபல OTT தளமான ‘சிம்ப்ளி சவுத்’ல் வெளியாகியிருக்கிறது.

2.அஸ்வின்ஸ் :

தமிழ் சினிமாவில் பாப்புலர் நடிகர்களில் ஒருவராக வலம் வருபவர் வசந்த் ரவி. இவர் நடிப்பில் ‘அஸ்வின்ஸ், ஜெயிலர், வெப்பன்’ என மூன்று படங்கள் லைன் அப்பில் இருந்தது.

இதில் வசந்த் ரவி ஹீரோவாக நடித்த ஹாரர் ஜானர் படமான ‘அஸ்வின்ஸ்’ கடந்த ஜூன் 23-ஆம் தேதி தமிழ், தெலுங்கு என இரண்டு மொழிகளில் திரையரங்குகளில் ரிலீஸானது. இந்த படத்தை இயக்குநர் தருண் தேஜா இயக்கியுள்ளார்.

இதில் மிக முக்கிய ரோல்களில் விமலா ராமன், முரளிதரன், சரஸ் மேனன், உதயாதீப் மற்றும் பலர் நடித்துள்ளனர். இதற்கு விஜய் சித்தார்த் இசையமைத்துள்ளார், ஏ.எம்.எட்வின் சகாய் ஒளிப்பதிவு செய்துள்ளார், வெங்கட் ராஜன் படத்தொகுப்பாளராக பணியாற்றியுள்ளார். இப்படம் பிரபல OTT தளமான ‘நெட்ஃப்ளிக்ஸ்’ல் வெளியாகியிருக்கிறது.

3.சிங்க் :

‘முதல் நீ முடிவும் நீ’ என்ற சூப்பர் ஹிட் படம் மூலம் கவனம் ஈர்த்த நடிகர் கிஷன் தாஸ். இவர் நடிப்பில் ‘சிங்க், தருணம்’ என இரண்டு படங்கள் லைன் அப்பில் இருந்தது. இதில் ஹாரர் ஜானர் படமான ‘சிங்க்’-ஐ இயக்குநர் விகாஸ் ஆனந்த் ஸ்ரீதரன் இயக்கியுள்ளார்.

இதில் மிக முக்கிய ரோல்களில் மோனிகா, சௌந்தர்யா பாலா நந்தக்குமார், நவீன் ஜார்ஜ் தாமஸ், நந்தினி வினோத், சுப்ரியா ராவ், கலையரசி, ஷீலா விஸ்வநாத், கார்த்திக் கிருஷ்ணா, ஹரி மற்றும் பலர் நடித்துள்ளனர்.

இதற்கு அபிஜித் ராமசுவாமி இசையமைத்துள்ளார், ஷிவ்ராம்.பி.கே ஒளிப்பதிவு செய்துள்ளார். இப்படம் பிரபல OTT தளமான ‘ஆஹா’வில் வெளியாகியிருக்கிறது.