இந்த வாரம் OTT-யில் ரிலீஸாகியிருக்கும் தமிழ் படங்களின் லிஸ்ட்!

சினிமாவில் மாஸ் காட்டி வரும் ஒவ்வொரு ஹீரோ, ஹீரோயினுக்கும் மிகப் பெரிய ரசிகர் பட்டாளம் இருக்கிறது. தன் ரசிகர்களுக்காக தொடர்ந்து நல்ல படங்களை தேர்ந்தெடுத்து ஹீரோஸ் & ஹீரோயின்ஸ் நடித்து வருகிறார்கள். இந்த வாரம் OTT-யில் ரிலீஸாகியுள்ள தமிழ் படங்களின் லிஸ்ட் இதோ…

1.மாமன்னன் :

தமிழ் சினிமாவில் பாப்புலர் ஹீரோக்களில் ஒருவராக வலம் வருபவர் உதயநிதி ஸ்டாலின். இவர் நடித்த ‘மாமன்னன்’ திரைப்படம் கடந்த ஜூன் 29-ஆம் தேதி திரையரங்குகளில் ரிலீஸானது.

இந்த படத்தை இயக்குநர் மாரி செல்வராஜ் இயக்கியுள்ளார். இதில் உதயநிதி ஸ்டாலினுக்கு ஜோடியாக கீர்த்தி சுரேஷ் நடித்துள்ளார். மேலும், மிக முக்கிய ரோல்களில் வடிவேலு, ஃபஹத் ஃபாசில், ரவீனா ரவி ஆகியோர் நடித்துள்ளனர். இதற்கு ஏ.ஆர்.ரஹ்மான் இசையமைத்துள்ளார்.

இதனை உதயநிதி ஸ்டாலின் தனது ‘ரெட் ஜெயன்ட் மூவிஸ்’ மூலம் தயாரித்துள்ளார். இப்படம் பிரபல OTT தளமான ‘நெட்ஃப்ளிக்ஸ்’ல் வெளியாகியிருக்கிறது.

2.ரெஜினா :

தமிழ் சினிமாவில் பாப்புலர் நடிகைகளில் ஒருவராக வலம் வருபவர் சுனைனா. இவர் ஹீரோயினாக நடித்த ‘ரெஜினா’ திரைப்படம் கடந்த ஜூன் 23-ஆம் தேதி திரையரங்குகளில் ரிலீஸானது. இந்த படத்தை இயக்குநர் டோமின் டிசில்வா இயக்கியுள்ளார்.

இதில் மிக முக்கிய ரோல்களில் நிவாஸ் ஆதித்தன், ரித்து மந்தரா, ஆனந்த் நாக், விவேக் பிரசன்னா மற்றும் பலர் நடித்துள்ளனர். இப்படத்திற்கு சதீஷ் நாயர் இசையமைத்ததுடன், தனது சொந்த தயாரிப்பு நிறுவனமான ‘YELLOW BEAR புரொடக்ஷன்’ மூலம் தயாரித்துள்ளார்.

இதற்கு பவி.கே.பவன் ஒளிப்பதிவு செய்துள்ளார், டோபி ஜான் படத்தொகுப்பாளராக பணியாற்றியுள்ளார். இப்படம் பிரபல OTT தளமான ‘அமேசான் ப்ரைம்’ல் வெளியாகியிருக்கிறது.

3.ஸ்பை :

தெலுங்கு சினிமாவில் பாப்புலர் ஹீரோக்களில் ஒருவராக வலம் வருபவர் நிகில் சித்தார்த்தா. இவர் ஹீரோவாக நடித்த ‘ஸ்பை’ திரைப்படம் கடந்த ஜூன் 29-ஆம் தேதி தெலுங்கு மொழி மட்டுமின்றி தமிழ், ஹிந்தி, கன்னடம் ஆகிய மொழிகளிலும் திரையரங்குகளில் ரிலீஸானது.

த்ரில்லர் படமான இதனை கேரி.பி.ஹெச் இயக்கியிருந்தார். இதில் முக்கிய ரோல்களில் ஐஸ்வர்யா மேனன், சன்யா தாகூர், அபினவ் கோமதம், ஆர்யன் ராஜேஷ், மகரந்த் தேஷ்பாண்டே, சச்சின் கெடேகர் ஆகியோர் நடித்திருந்தனர்.

மேலும், கெஸ்ட் ரோலில் ‘பாகுபலி’ புகழ் ராணா டகுபதி நடித்திருந்தார். இதனை ‘ED எண்டர்டெயின்மெண்ட்ஸ்’ என்ற நிறுவனம் தயாரித்திருந்தது. இப்படம் பிரபல OTT தளமான ‘அமேசான் ப்ரைம்’ல் வெளியாகியிருக்கிறது.

4.அப்பத்தா :

சினிமாவில் பாப்புலர் நடிகைகளில் ஒருவராக வலம் வருபவர் ஊர்வசி. இவர் நடிப்பில் உருவாகியிருக்கும் 700-வது படம் ‘அப்பத்தா’. இந்த படத்தை இயக்குநர் ப்ரியதர்ஷன் இயக்கியுள்ளார்.

இதற்கு ராஜேஷ் முருகேசன் இசையமைத்துள்ளார். இதனை ‘WIDE ANGLE கிரியேஷன்ஸ்’ என்ற நிறுவனம் தயாரித்துள்ளது. இப்படத்தை வருகிற ஜூலை 29-ஆம் தேதி பிரபல OTT தளமான ‘ஜியோ சினிமா’வில் ரிலீஸ் செய்ய ப்ளான் போட்டுள்ளனர்.