ஜூன் 2-ஆம் தேதி திரையரங்குகளில் ரிலீஸாகப்போகும் தமிழ் படங்களின் லிஸ்ட்!

சினிமாவில் மாஸ் காட்டி வரும் ஒவ்வொரு ஹீரோவுக்கும் மிகப் பெரிய ரசிகர் பட்டாளம் இருக்கிறது. தன் ரசிகர்களுக்காக தொடர்ந்து நல்ல படங்களை தேர்ந்தெடுத்து நடித்து வருகிறார்கள் ஹீரோக்கள். இந்த வாரம் ஜூன் 2-ஆம் தேதி திரையரங்குகளில் ரிலீஸாகப்போகும் தமிழ் படங்களின் லிஸ்ட் இதோ…

1.வீரன் :

நடிகர், இசையமைப்பாளர், இயக்குநர், பாடலாசிரியர் என பன்முகம் கொண்டவர் ‘ஹிப் ஹாப் தமிழா’ ஆதி. இவர் நடிப்பில் உருவாகியுள்ள புதிய படம் ‘வீரன்’.

இந்த படத்தை ‘மரகத நாணயம்’ படம் மூலம் ஃபேமஸான ARK சரவன் இயக்கியுள்ளார். இதில் ‘ஹிப் ஹாப் தமிழா’ ஆதிக்கு ஜோடியாக ஆதிரா ராஜ் நடித்துள்ளார். மேலும், மிக முக்கிய ரோல்களில் வினய், முனிஷ்காந்த், காளி வெங்கட் மற்றும் பலர் நடித்துள்ளனர்.

‘ஹிப் ஹாப் தமிழா’ ஆதியே இசையமைத்துள்ள இதற்கு தீபக்.டி.மேனன் ஒளிப்பதிவு செய்துள்ளார், பிரசன்னா.ஜிகே படத்தொகுப்பாளராக பணியாற்றியுள்ளார். இதனை ‘சத்யஜோதி பிலிம்ஸ்’ நிறுவனம் தயாரித்துள்ளது. சமீபத்தில், வெளியிடப்பட்ட இந்த படத்தின் பாடல்கள் மற்றும் ட்ரெய்லர் ரசிகர்களிடம் நல்ல வரவேற்பை பெற்றது.

2.காதர் பாட்சா என்ற முத்துராமலிங்கம் :

சினிமாவில் பாப்புலர் ஹீரோக்களில் ஒருவராக வலம் வருபவர் ஆர்யா. இப்போது இவர் நடிப்பில் ‘காதர் பாட்சா என்ற முத்துராமலிங்கம்’ என்ற படமும், ‘தி வில்லேஜ்’ என்ற வெப் சீரிஸும் லைன் அப்பில் இருக்கிறது.

இதில் ‘காதர் பாட்சா என்ற முத்துராமலிங்கம்’ படத்தை முத்தையா இயக்கியுள்ளார். இந்த படத்தில் ஆர்யாவுக்கு ஜோடியாக சித்தி இட்னானி நடித்துள்ளார். மேலும், மிக முக்கிய ரோல்களில் பிரபு, கே.பாக்யராஜ், ஆடுகளம் நரேன், தமிழ் மற்றும் பலர் நடித்துள்ளனர்.

ஜி.வி.பிரகாஷ் குமார் இசையமைத்துள்ள இதற்கு வேல்ராஜ் ஒளிப்பதிவு செய்துள்ளார், வெங்கட் ராஜன் படத்தொகுப்பாளராக பணியாற்றியுள்ளார். இதனை ‘ஜீ ஸ்டுடியோஸ் – டிரம்ஸ்டிக்ஸ் புரொடக்ஷன்ஸ்’ ஆகிய நிறுவனங்கள் இணைந்து தயாரித்துள்ளது. சமீபத்தில், வெளியிடப்பட்ட இந்த படத்தின் பாடல்கள், டீசர் மற்றும் ட்ரெய்லர் ரசிகர்களிடம் நல்ல வரவேற்பை பெற்றது.

3.துரிதம் :

‘சண்டியர்’ என்ற படத்தில் நடித்த ஜெகன் ஹீரோவாக நடித்துள்ள புதிய படம் ‘துரிதம்’. இந்த படத்தை இயக்குநர் ஸ்ரீனிவாசன் இயக்கியுள்ளார். இதில் முக்கிய ரோல்களில் ஈடன், ஏ.வெங்கடேஷ், பாலசரவணன், வைஷாலி, சரண்யா ரவிச்சந்திரன் மற்றும் பலர் நடித்துள்ளனர்.

இதற்கு அமுதன் ஆத்மசாந்தி இசையமைத்துள்ளார், நரேஷ் பின்னணி இசையமைத்துள்ளார், வாசன் – அன்பு டென்னிஸ் ஒளிப்பதிவு செய்துள்ளனர், நாகூரான் – சரவணன் படத்தொகுப்பாளர்களாக பணியாற்றியுள்ளனர்.

இதனை ‘ட்ரீம் போக்கஸ்’ என்ற நிறுவனம் தயாரித்துள்ளது. சமீபத்தில், இந்த படத்தின் பாடல்கள் மற்றும் ட்ரெய்லர் வெளியிடப்பட்டது.