சினிமாவில் மாஸ் காட்டி வரும் ஒவ்வொரு ஹீரோ, ஹீரோயினுக்கும் மிகப் பெரிய ரசிகர் பட்டாளம் இருக்கிறது. தன் ரசிகர்களுக்காக தொடர்ந்து நல்ல படங்களை தேர்ந்தெடுத்து ஹீரோஸ் & ஹீரோயின்ஸ் நடித்து வருகிறார்கள். இந்த வாரம் OTT-யில் ரிலீஸாகியுள்ள தமிழ் படங்களின் லிஸ்ட் இதோ…
1.வீரன் :
நடிகர், இசையமைப்பாளர், இயக்குநர், பாடலாசிரியர் என பன்முகம் கொண்டவர் ‘ஹிப் ஹாப் தமிழா’ ஆதி. இவர் நடித்த சூப்பர் ஹீரோ படமான ‘வீரன்’ கடந்த ஜூன் 2-ஆம் தேதி திரையரங்குகளில் ரிலீஸானது.
இந்த படத்தை ‘மரகத நாணயம்’ படம் மூலம் ஃபேமஸான ARK சரவன் இயக்கியுள்ளார். இதில் ‘ஹிப் ஹாப் தமிழா’ ஆதிக்கு ஜோடியாக ஆதிரா ராஜ் நடித்துள்ளார். மேலும், மிக முக்கிய ரோல்களில் வினய், முனிஷ்காந்த், காளி வெங்கட் மற்றும் பலர் நடித்துள்ளனர்.
‘ஹிப் ஹாப் தமிழா’ ஆதியே இசையமைத்துள்ள இதற்கு தீபக்.டி.மேனன் ஒளிப்பதிவு செய்துள்ளார், பிரசன்னா.ஜிகே படத்தொகுப்பாளராக பணியாற்றியுள்ளார். இதனை ‘சத்யஜோதி பிலிம்ஸ்’ நிறுவனம் தயாரித்துள்ளது. இப்படம் இன்று (ஜூன் 30-ஆம் தேதி) பிரபல OTT தளமான ‘அமேசான் ப்ரைம்’-ல் ரிலீஸாகியுள்ளது.
2.குலசாமி :
சினிமாவில் பாப்புலர் ஹீரோக்களில் ஒருவராக வலம் வருபவர் விமல். இவர் நடித்த ‘குலசாமி’ படம் கடந்த மே 5-ஆம் தேதி திரையரங்குகளில் ரிலீஸானது.
இந்த படத்தை இயக்குநர் சரவணா சக்தி இயக்கியுள்ளார். இதில் விமலுக்கு ஜோடியாக தன்யா ஹோப் நடித்துள்ளார். மேலும், முக்கிய ரோல்களில் போஸ் வெங்கட், வினோதினி, மகாநதி ஷங்கர், முத்துப்பாண்டி, ஜெய சூர்யா ஆகியோர் நடித்துள்ளனர்.
இதனை ‘MIK புரொடக்ஷன்ஸ்’ என்ற நிறுவனம் தயாரித்துள்ளது. இப்படம் இன்று (ஜூன் 30-ஆம் தேதி) பிரபல OTT தளமான ‘சிம்ப்ளி சவுத்’-ல் ரிலீஸாகியுள்ளது.
3.விமானம் :
சினிமாவில் பாப்புலர் இயக்குநராகவும், நடிகராகவும் வலம் வருபவர் சமுத்திரக்கனி. இவர் ஹீரோவாக நடித்த ‘விமானம்’ திரைப்படம் கடந்த ஜூன் 9-ஆம் தேதி தமிழ், தெலுங்கு என இரண்டு மொழிகளில் திரையரங்குகளில் ரிலீஸானது.
இந்த படத்தை இயக்குநர் சிவ பிரசாத் யனலா இயக்கியுள்ளார். இதில் மிக முக்கிய ரோல்களில் மாஸ்டர் துருவன், மீரா ஜாஸ்மின், அனசுயா பரத்வாஜ், ராகுல் ராமகிருஷ்ணா, தன்ராஜ், மொட்ட ராஜேந்திரன் ஆகியோர் நடித்துள்ளனர்.
இதற்கு சரண் அர்ஜுன் இசையமைத்துள்ளார், விவேக் கலேபு ஒளிப்பதிவு செய்துள்ளார். இப்படம் இன்று (ஜூன் 30-ஆம் தேதி) பிரபல OTT தளமான ‘ஜீ5’-ல் ரிலீஸாகியுள்ளது.
