தமிழ் சினிமாவில் முன்னணி நடிகர்களில் ஒருவராக வலம் வருபவர் விஜய். இவரது ரசிகர்கள் ‘தளபதி’ என்று அன்போடு அழைத்து வருகிறார்கள். விஜய்யின் கடைசி படமான ‘பிகில்’ கடந்த ஆண்டு வெளியாகி மாஸ் ஹிட்டானது. இவர் நடித்திருக்கும் புதிய படமான ‘மாஸ்டர்’ ரிலீஸுக்கு வெயிட்டிங் லிஸ்டில் உள்ளது. இந்த படத்தை லோகேஷ் கனகராஜ் இயக்கியுள்ளாராம்.
இதில் தளபதிக்கு ஜோடியாக மாளவிகா மோகனன் நடித்துள்ளார். தளபதிக்கு எதிரியாக விஜய் சேதுபதி நடித்துள்ளாராம். ‘கொரோனா’ பிரச்சனையால் திரையரங்குகள் மூடப்பட்டுள்ளது. இப்பிரச்சனை முடிந்தவுடன் ரிலீஸ் தேதியை ஃபிக்ஸ் செய்து கொள்ளலாம் என காத்துக்கொண்டிருக்கிறார் லோகேஷ் கனகராஜ். இந்நிலையில், விஜய்யின் அடுத்த படமான ‘தளபதி 65’ தொடர்பாக செம்ம மாஸான தகவல் கிடைத்துள்ளது.
ஏ.ஆர்.முருகதாஸ் இயக்கும் இப்படத்திற்காக பிரபல ஸ்டன்ட் இயக்குநர்கள் அன்புமணி மற்றும் அறிவுமணி (அன்பறிவு) கமிட்டாகி உள்ளனர். இவர்கள் ‘கைதி, கே.ஜி.எஃப், சண்டக்கோழி 2’ போன்ற பல படங்களில் பணியாற்றியுள்ளது குறிப்பிடத்தக்கது. படத்தில் விஜய்-க்கு ஜோடியாக ‘ப்ரேமம்’ புகழ் மடோனா செபாஸ்டின் நடிக்க உள்ளதாக சொல்லப்படுகிறது. ‘சன் பிக்சர்ஸ்’ தயாரிக்கும் இப்படத்தின் பட்ஜெட் ரூ.130 கோடியாம். இதில் விஜய்க்கு ரூ.70 கோடியும், ஏ.ஆர்.முருகதாஸுக்கு ரூ.10 கோடியும் சம்பளம் பேசப்பட்டுள்ளதாம்.
Home