கமல்ஹாசனின் ‘சிகப்பு ரோஜாக்கள்’ படத்தில் முதலில் நடிக்கவிருந்தது இந்த பிரபல நடிகரா?

சினிமாவில் டாப் ஹீரோக்களில் ஒருவராக வலம் வருபவர் ‘உலக நாயகன்’ கமல் ஹாசன். இவரின் ஆக்ஷன் த்ரில்லர் படமான ‘விக்ரம்’ கடந்த ஆண்டு (2022) ரிலீஸானது. இப்படம் ரசிகர்களிடையே மிகப் பெரிய வரவேற்பை பெற்றது. பாக்ஸ் ஆஃபிஸிலும் வசூல் சாதனை படைத்தது.

இப்போது கமல் ஹாசன் நடிப்பில் ஷங்கரின் ‘இந்தியன் 2’, பிரபாஸின் ‘கல்கி 2898 AD’, இயக்குநர் மணிரத்னம் படம், இயக்குநர் ஹெச்.வினோத் படம் என நான்கு படங்கள் லைன் அப்பில் இருக்கிறது.

கமல் ஹாசனின் கேரியரில் மிக முக்கியமான படம் ‘சிகப்பு ரோஜாக்கள்’. இந்த படத்தை பாப்புலர் இயக்குநர்களில் ஒருவரான பாரதிராஜா இயக்கியிருந்தார். இதில் கமலுக்கு ஜோடியாக ஸ்ரீதேவி நடித்திருந்தார்.

இதற்கு ‘இசைஞானி’ இளையராஜா இசையமைத்திருந்தார். சூப்பர் ஹிட்டான இப்படத்தில் ஹீரோவாக நடிக்க வைக்க வேண்டுமென பாரதிராஜாவின் முதல் சாய்ஸாக இருந்தது நடிகர் சிவகுமார். ஆனால், இதன் கதையை கேட்ட சிவகுமார் இதில் நடிக்க மறுத்து விட்டாராம்.