குவியும் படங்கள், அதிக சம்பளம்… ரஜினிகாந்தை பின்னுக்குத் தள்ளிய கமல்ஹாசன்!

சினிமாவில் டாப் ஹீரோக்களின் லிஸ்டில் இருப்பவர்கள் ‘சூப்பர் ஸ்டார்’ ரஜினிகாந்த் & ‘உலக நாயகன்’ கமல்ஹாசன். இதில் ஆரம்பகாலத்தில் இருந்து கடந்த ஆண்டு வரை ரஜினியே அதிக சம்பளம் வாங்கி வந்தார். ஆனால், ‘தர்பார், அண்ணாத்த’ என அடுத்தடுத்து இவர் தோல்வி படங்களையே கொடுத்தார்.

இதனால் ரஜினி இப்போது நடித்து கொண்டிருக்கும் ‘ஜெயிலர்’ படத்துக்காக ரூ.70 கோடி மட்டுமே சம்பளம் வாங்கியிருக்கிறார். இந்த படத்தை ‘சன் பிக்சர்ஸ்’ நிறுவனம் தயாரித்து வருகிறது, இதனை இயக்குநர் நெல்சன் இயக்கி வருகிறார்.

கடந்த ஆண்டு (2022) வெளியான ‘விக்ரம்’ படத்தின் வெற்றிக்கு பிறகு கமல்ஹாசனுக்கு ஜாக்பாட் அடித்து விட்டது. அடுத்தடுத்து இவரின் கால்ஷீட் டைரியில் ஷங்கரின் ‘இந்தியன் 2’ (ரூ.130 கோடி சம்பளம்), பிரபாஸின் ‘ப்ராஜெக்ட் K’ (ரூ.150 கோடி சம்பளம்) என படங்கள் குவிவதோடு, சம்பளமும் ரஜினியை விட அதிகமாக உயர்ந்த வண்ணமுள்ளது.

இது தவிர இயக்குநர் மணிரத்னம் படம், இயக்குநர் ஹெச்.வினோத் படம், இயக்குநர் பா.இரஞ்சித் படம் என கைவசம் மூன்று படங்களை வைத்திருக்கிறார். இதுமட்டுமின்றி விஜய் டிவியில் ஒளிபரப்பாகப்போகும் ‘பிக் பாஸ்’ சீசன் 7-ஐ தொகுத்து வழங்க ரூ.130 கோடி சம்பளம் கேட்டிருக்கிறாராம் கமல்.