சினிமாவில் டாப் ஹீரோக்களில் ஒருவராக வலம் வருபவர் ‘உலக நாயகன்’ கமல் ஹாசன். இவரின் ஆக்ஷன் த்ரில்லர் படமான ‘விக்ரம்’ கடந்த ஆண்டு (2022) ரிலீஸானது. இப்படம் ரசிகர்களிடையே மிகப் பெரிய வரவேற்பை பெற்றது. பாக்ஸ் ஆஃபிஸிலும் வசூல் சாதனை படைத்தது.
இப்போது கமல் ஹாசன் நடிப்பில் ஷங்கரின் ‘இந்தியன் 2’, இயக்குநர் மணிரத்னம் படம் மற்றும் இயக்குநர் ஹெச்.வினோத் படம் என மூன்று படங்கள் லைன் அப்பில் இருக்கிறது.
கமல் நடித்து 2006-ஆம் ஆண்டு வெளியான படம் ‘வேட்டையாடு விளையாடு’. இந்த படத்தை டாப் இயக்குநர்களில் ஒருவரான கௌதம் மேனன் இயக்கியிருந்தார். இதில் கமலுக்கு ஜோடியாக ஜோதிகா நடித்திருந்தார். இதற்கு ஹாரிஸ் ஜெயராஜ் இசையமைத்திருந்தார். இப்படம் சூப்பர் ஹிட்டானது.
கடந்த ஜூன் 23-ஆம் தேதி இப்படம் திரையரங்குகளில் ரீ-ரிலீஸ் செய்யப்பட்டது. தற்போது, திரையரங்குகளில் வெற்றிகரமாக ஓடிக் கொண்டிருக்கும் இப்படம் மிகப் பெரிய வசூல் சாதனை படைத்துள்ளது. இதனால் இந்த படத்தின் தயாரிப்பாளர், இயக்குநர், இசையமைப்பாளர் கேக் வெட்டி கொண்டாடியதாக தகவல் கிடைத்துள்ளது.
ரீ ரிலீஸ் க்கு சக்ஸஸ் மீட் வைச்சு பார்த்து இருக்கீங்களா?
இதோ 17 வருஷம் கழிச்சு ரீ ரிலீஸ் ஆகி இருக்கிற ஆண்டவரின் #VettaiyaaduVilaiyaadu இன்று கேக் வெட்டி கொண்டாடி இருக்காங்க படக்குழு இதெல்லாம் ஆண்டவருக்கு மட்டுமே சாத்தியம்❤ #KamalHaasan @menongautham pic.twitter.com/pjxAcTHyXp
— (@Ramhaasan7) July 10, 2023
எங்க அந்த #RajiniFakeRecords? கேட்டுச்சா?
100+ தியேட்டர்கள்ல ரிலீஸ் பண்ணி இப்போ 3வது வாரமும் பல தியேட்டர்கள்ல ஹவுஸ்ஃபுல்லா ஓடிட்டு இருக்குது!
17 வருஷத்துக்கு அப்புறமும் ஒரு தயாரிப்பாளர் கேக் வெட்டி கொண்டாடுறாரு! இது தான் சக்ஸஸ்!#VettaiyaaduVilaiyaadu
The name is #KamalHassan pic.twitter.com/LtLsGbGEiU— கமல் தாசன் (@ikamaldhasan) July 10, 2023
