தமிழ் சினிமாவின் முன்னணி நடிகர்களில் ஒருவரான உலகநாயகன் கமல்ஹாசன் நடிப்பில் பிரம்மாண்ட இயக்குனரான ஷங்கர் இயக்கத்தில் வெளியாகவுள்ள “இந்தியன் 2” திரைப்படத்தின் ஷூட்டிங் கொரோனா காரணமாக நிறுத்தி வைக்கப்பட்டிருந்தது.
அதுமட்டுமின்றி கடந்த பிப்ரவரி மாதம் “இந்தியன் 2” படப்பிடிப்பின்போது நடந்த பெரிய விபத்தின் மூலம் சலசலப்பு ஏற்பட்டது. இதைத் தொடர்ந்து மீண்டும் இந்த படத்தின் படப்பிடிப்பு தொடங்கப்படவுள்ளதாகவும், அது மட்டுமின்றி உலக நாயகன் கமல்ஹாசன் இந்த படத்தின் படப்பிடிப்புகளை வருகிற ஜனவரி 2021 ஆம் ஆண்டுக்குள் முடிக்க வேண்டும் என்று கூறி வருவதாகவும் செய்தி வந்துள்ளது.
உலகநாயகன் கமல்ஹாசன் பிக்பாஸ் நிகழ்ச்சியில் கமிட்டாகி அதுமட்டுமல்லாமல் அடுத்து ஏப்ரல் 2021 ஆம் ஆண்டு தேர்தல் வரவுள்ளதால் அதற்குள் இந்தியன் 2 திரைப்படத்தின் படப்பிடிப்புகளில் மும்முரமாக ஈடுபட்டு முடித்துவிட வேண்டுமென்று முயன்று வருகிறார் என்றும் கூறப்படுகிறது.
பிக்பாஸ் நிகழ்ச்சியின் ஷூட்டிங் வார இறுதியில் நடைபெற்றாலும் அதற்கு நடுவில் இருக்கும் நாட்களில் இந்தியன் 2 படப்பிடிப்புகள் ஸ்கெட்டியுள் செய்வதற்கு சிரமப்பட்டு வருகிறார்கள் திரைப்பட குழு என்றும் ஒரு தரப்பில் செய்தி வந்துள்ளது.
“இந்தியன் 2” திரைப்படத்தில் உலக நாயகன் கமல்ஹாசனுடன் காஜல்அகர்வால், ரகுல் பிரீத் சிங் சித்தார்த், ப்ரியா பவானி சங்கர், பாபிசிம்ஹா உள்ளிட்டோர் நடிக்கிறார்கள். அனிருத் ரவிச்சந்தர் இசையில் இந்த படத்தின் காட்சிகளை ஆர்.ரத்னவேலு ஒளிப்பதிவு செய்கிறார். அடுத்த ஜனவரிக்குள் இந்த படத்தின் படப்பிடிப்பு முடிவடையுமா என்று பொறுத்திருந்துதான் பார்க்க வேண்டும்.
