“பாலாஜி முன்பு கையை கட்டிட்டு பேசுங்க கமல் சார்”… ‘பிக் பாஸ் 4’ புது ப்ரோமோ!

விஜய் டிவியில் ‘உலக நாயகன்’ கமல் ஹாசன் தொகுத்து வழங்கும் ‘பிக் பாஸ்’ ரியாலிட்டி ஷோவின் சீசன் 4 கடந்த அக்டோபர் 4-ஆம் தேதி முதல் ஒளிபரப்பாகத் துவங்கி உள்ளது. தொடர்ந்து 105 நாட்கள் நடைபெறவிருக்கும் இந்த நிகழ்ச்சியில் நடிகர் ரியோ ராஜ், நடிகை சனம் ஷெட்டி, நடிகை ரேகா, மாடல் பாலாஜி முருகதாஸ், செய்தி வாசிப்பாளர் அனிதா சம்பத், நடிகை ஷிவானி நாராயணன், நடிகர் ஜித்தன் ரமேஷ், பாடகர் வேல்முருகன், நடிகர் ஆரி, மாடல் சோமசேகர், நடிகை கேப்ரில்லா, விஜய் டிவி அறந்தாங்கி நிஷா, நடிகை ரம்யா பாண்டியன், நடிகை சம்யுக்தா கார்த்திக், நடிகர் சுரேஷ் சக்கரவர்த்தி, ‘சூப்பர் சிங்கர்’ ஆஜித் ஆகிய 16 பிரபலங்கள் கலந்து கொண்டனர்.

கடந்த அக்டோபர் 15-ஆம் தேதி பிக் பாஸ் வீட்டிற்குள் வைல்ட் கார்ட் மூலம் ‘விஜய் டிவி’ மற்றும் ‘ஜீ தமிழ்’ மூலம் ஃபேமஸான தொகுப்பாளினி அர்ச்சனா என்ட்ரியானார். அதன் பிறகு ரேகா மற்றும் வேல்முருகன் எலிமினேட் செய்யப்பட்டனர். பின், வீட்டிற்குள் வைல்ட் கார்ட் மூலம் பிரபல ஆர்ஜேவும், பாடகியுமான சுசித்ரா என்ட்ரியானார். அதன் பிறகு சுரேஷ் சக்கரவர்த்தி எலிமினேட் செய்யப்பட்டார்.

கடந்த ஞாயிற்றுக்கிழமை பிக் பாஸ் நிகழ்ச்சியில் சுசித்ரா எலிமினேட் செய்யப்பட்டார். தற்போது, விஜய் டிவி தங்களது அதிகாரப்பூர்வ ட்விட்டர் பக்கத்தில் புதிய ப்ரோமோ வீடியோவை வெளியிட்டுள்ளது. இந்த ப்ரோமோ வீடியோவில் கமலிடம் ஆரி “அது பாலாஜி தான் சார் ஆரம்பிச்சாரு. ரெண்டு பேரை ஸ்கெட்ச் போட்டேன். தூக்கி உள்ள வச்சுட்டேன் அப்படின்னு கிளம்பி போனாரு” என்று சொல்கிறார். அதற்கு பாலாஜி “ஆரி நல்லா கதை எழுதுவாரு சார்” என்று கமலிடம் சொல்கிறார். பின், ஆரி “கையை கட்டிட்டு பேசுங்க சார் பாலாஜி பேசும்போது, ஏன்னா கை இப்படி வந்திருச்சுனா அவர் ஏதாவது சொல்லி பிரச்சனை ஆயிடும் சார்” என்று கமலிடம் சொல்கிறார்.

அதற்கு பாலாஜி “சண்டை நடக்கும்போது வந்து குற்றம் சொல்லி அட்வைஸ் பண்ணிட்டு போயிடுறாரு” என்று கமலிடம் சொல்கிறார். பின், கமல் “practice what you preach இல்லையா?” என்று பாலாஜியிடம் கேட்கிறார். அதற்கு பாலாஜி “ஆமா சார். அது நான் திரும்ப திரும்ப அவருக்கு” என்று சொல்லிக் கொண்டிருக்கையில் கமல் “அதுக்கு நான் அப்புறம் வர்றேன்” என்று சொல்கிறார். பின், பாலாஜி “சார் அவரு” என்று ஆரம்பிப்பதற்குள் ஆரி “இருங்க இருங்க வெயிட் பண்ணுங்க. எல்லாருக்கும் சார் வச்சிருக்காரு சாட்டை” என்று சொல்கிறார். இவ்வீடியோ சமூக வலைத்தளங்களில் தீயாய் பரவி வருகிறது.