விஜய் டிவியில் ‘உலக நாயகன்’ கமல் ஹாசன் தொகுத்து வழங்கும் ‘பிக் பாஸ்’ ரியாலிட்டி ஷோவின் சீசன் 4 கடந்த ஆண்டு (2020) அக்டோபர் 4-ஆம் தேதி முதல் ஒளிபரப்பாகத் துவங்கி உள்ளது. தொடர்ந்து 105 நாட்கள் நடைபெறவிருக்கும் இந்த நிகழ்ச்சியில் நடிகர் ரியோ ராஜ், நடிகை சனம் ஷெட்டி, நடிகை ரேகா, மாடல் பாலாஜி முருகதாஸ், செய்தி வாசிப்பாளர் அனிதா சம்பத், நடிகை ஷிவானி நாராயணன், நடிகர் ஜித்தன் ரமேஷ், பாடகர் வேல்முருகன், நடிகர் ஆரி, மாடல் சோமசேகர், நடிகை கேப்ரில்லா, விஜய் டிவி அறந்தாங்கி நிஷா, நடிகை ரம்யா பாண்டியன், நடிகை சம்யுக்தா கார்த்திக், நடிகர் சுரேஷ் சக்கரவர்த்தி, ‘சூப்பர் சிங்கர்’ ஆஜித் ஆகிய 16 பிரபலங்கள் கலந்து கொண்டனர்.
கடந்த ஆண்டு அக்டோபர் 15-ஆம் தேதி பிக் பாஸ் வீட்டிற்குள் வைல்ட் கார்ட் மூலம் ‘விஜய் டிவி’ மற்றும் ‘ஜீ தமிழ்’ மூலம் ஃபேமஸான தொகுப்பாளினி அர்ச்சனா என்ட்ரியானார். அதன் பிறகு ரேகா மற்றும் வேல்முருகன் எலிமினேட் செய்யப்பட்டனர். பின், வீட்டிற்குள் வைல்ட் கார்ட் மூலம் பிரபல ஆர்ஜேவும், பாடகியுமான சுசித்ரா என்ட்ரியானார். அதன் பிறகு சுரேஷ் சக்கரவர்த்தி, சுசித்ரா, சம்யுக்தா கார்த்திக், சனம் ஷெட்டி, ஜித்தன் ரமேஷ், அறந்தாங்கி நிஷா மற்றும் அர்ச்சனா எலிமினேட் செய்யப்பட்டனர். கடந்த வாரம் ஞாயிற்றுக்கிழமை அனிதா சம்பத் எலிமினேட் செய்யப்பட்டார்.
கடந்த ஞாயிற்றுக்கிழமை பிக் பாஸ் நிகழ்ச்சியில் ஆஜித் எலிமினேட் செய்யப்பட்டார். தற்போது, விஜய் டிவி தங்களது அதிகாரப்பூர்வ ட்விட்டர் பக்கத்தில் புதிய ப்ரோமோ வீடியோவை வெளியிட்டுள்ளது. இந்த ப்ரோமோ வீடியோவில் ‘உலக நாயகன்’ கமல் ஹாசன் “இதுல என்ன இருக்கு பிக் பாஸ்ல பிரமாதமா ஒன்னும் நடந்துடலயேன்னா. கண்டிப்பா நடக்குது. உங்கள் இருவருக்குமே ஒரு சுய தரிசனம் கிடைத்தது” என்று பாலாஜி முருகதாஸ் மற்றும் ஆரியிடம் சொல்கிறார். அதற்கு பாலாஜி “thank you” என்று சொல்கிறார்.
பின், கமல் “அது என்ன உரையாடல் என மத்தவங்களுக்கு தெரியாது” என்று சொல்லி பாலாஜியும், ஆரியும் தனியாக அமர்ந்து பேசிக் கொண்டிருக்கும் ஒரு வீடியோவை போட்டு காண்பிக்கிறார். அந்த வீடியோவில் பாலாஜி ஆரியிடம் “ஒரு வகையில பார்த்தீங்கன்னா, கெட்ட விஷயங்கள மட்டுமே பார்த்துட்டு இருந்தேன். நல்ல விஷயங்கள பார்க்க தவறியிருக்கேன்னு சொல்லலாம். அதுக்காக என்ன மன்னிச்சுக்கோங்க. நான் வெளியே போனாலும், நிஜமாவே அட்வைஸ் தேவை பட்டா உங்களுக்கு call பண்ணி கேட்பேன்” என்று சொல்கிறார். அந்த வீடியோ முடிந்த பிறகு கமல் “நீங்க எவ்ளோ பெரிய ஒரு பலத்தை எடுத்துட்டு போறீங்கங்குறது நீங்க சொல்லும்போதே உங்களுக்கு புரிஞ்சிருக்கும்” என்று பாலாஜியிடம் சொல்கிறார். இவ்வீடியோ சமூக வலைத்தளங்களில் தீயாய் பரவி வருகிறது.
#BiggBossTamil இல் இன்று.. #Day97 #Promo3 of #BiggBossTamil#பிக்பாஸ் – இன்று இரவு 9:30 மணிக்கு நம்ம விஜய் டிவில.. #BBTamilSeason4 #BiggBossTamil4 #VijayTelevision pic.twitter.com/sETUuWfxdb
— Vijay Television (@vijaytelevision) January 9, 2021
