“நம்பர் கேம் நீங்க மட்டும் விளையாடுறீங்கன்னு நினைக்காதீங்க”… கமல் பேசும் ‘பிக் பாஸ் 4’ ப்ரோமோ!

விஜய் டிவியில் ‘உலக நாயகன்’ கமல் ஹாசன் தொகுத்து வழங்கும் ‘பிக் பாஸ்’ ரியாலிட்டி ஷோவின் சீசன் 4 கடந்த அக்டோபர் 4-ஆம் தேதி முதல் ஒளிபரப்பாகத் துவங்கி உள்ளது. தொடர்ந்து 105 நாட்கள் நடைபெறவிருக்கும் இந்த நிகழ்ச்சியில் நடிகர் ரியோ ராஜ், நடிகை சனம் ஷெட்டி, நடிகை ரேகா, மாடல் பாலாஜி முருகதாஸ், செய்தி வாசிப்பாளர் அனிதா சம்பத், நடிகை ஷிவானி நாராயணன், நடிகர் ஜித்தன் ரமேஷ், பாடகர் வேல்முருகன், நடிகர் ஆரி, மாடல் சோமசேகர், நடிகை கேப்ரில்லா, விஜய் டிவி அறந்தாங்கி நிஷா, நடிகை ரம்யா பாண்டியன், நடிகை சம்யுக்தா கார்த்திக், நடிகர் சுரேஷ் சக்கரவர்த்தி, ‘சூப்பர் சிங்கர்’ ஆஜித் ஆகிய 16 பிரபலங்கள் கலந்து கொண்டனர்.

கடந்த அக்டோபர் 15-ஆம் தேதி பிக் பாஸ் வீட்டிற்குள் வைல்ட் கார்ட் மூலம் ‘விஜய் டிவி’ மற்றும் ‘ஜீ தமிழ்’ மூலம் ஃபேமஸான தொகுப்பாளினி அர்ச்சனா என்ட்ரியானார். அதன் பிறகு ரேகா மற்றும் வேல்முருகன் எலிமினேட் செய்யப்பட்டனர். பின், வீட்டிற்குள் வைல்ட் கார்ட் மூலம் பிரபல ஆர்ஜேவும், பாடகியுமான சுசித்ரா என்ட்ரியானார். அதன் பிறகு சுரேஷ் சக்கரவர்த்தி, சுசித்ரா, சம்யுக்தா கார்த்திக் மற்றும் சனம் ஷெட்டி எலிமினேட் செய்யப்பட்டனர். கடந்த சனிக்கிழமை பிக் பாஸ் நிகழ்ச்சியில் ஜித்தன் ரமேஷும், கடந்த ஞாயிற்றுக்கிழமை அறந்தாங்கி நிஷாவும் எலிமினேட் செய்யப்பட்டனர்.

தற்போது, விஜய் டிவி தங்களது அதிகாரப்பூர்வ ட்விட்டர் பக்கத்தில் புதிய ப்ரோமோ வீடியோவை வெளியிட்டுள்ளது. இந்த ப்ரோமோ வீடியோவில் அர்ச்சனாவிடம் ‘உலக நாயகன்’ கமல் ஹாசன் “அர்ச்சனா நீங்க ஒரு புது perspective கண்டுபிடிச்சீங்களே இந்த ஓப்பன் நாமினேஷன்ல” என்று சொல்கிறார். அதற்கு அர்ச்சனா “தெரில சார்” என்று சொல்கிறார். பின், கமல் “இதுக்கு எதிரணி என்ன சொல்லுதுன்னு கேட்கலாம். அனிதாவின் கருத்து” என்று சொல்கிறார்.

அதற்கு அனிதா “கேப்ரில்லா என் பேர் சொன்னா, சோமு என் பேர் சொன்னாங்க, அர்ச்சனா அக்காவும் என் பேர் சொன்னாங்க” என்று சொல்கிறார். அதன் பிறகு அர்ச்சனா “அந்த நம்பர் கேம் அப்டிங்குறதை எங்க மேல சொல்லிட்டே இருந்தாங்களா, அப்ப இது கூட நம்பர் கேம்னு நம்ம சொல்லலாமே அப்படின்னு தான் சார் சொல்லியிருப்பேன்” என்று சொல்கிறார். அதற்கு கமல் “இந்த நம்பர் கேம் நீங்க மட்டும்தான் விளையாடுறீங்கன்னு நினைக்காதீங்க. அங்கயும் அவங்க இந்த நம்பர் கேம் விளையாட ஆரம்பிச்சா, உங்களுடைய தனி பலம் சற்றே நெகிழ்ந்து போயிடும்” என்று சொல்கிறார். இவ்வீடியோ சமூக வலைத்தளங்களில் தீயாய் பரவி வருகிறது.