சினிமாவில் டாப் ஹீரோக்களில் ஒருவராக வலம் வருபவர் ‘உலக நாயகன்’ கமல் ஹாசன். இவரின் ஆக்ஷன் த்ரில்லர் படமான ‘விக்ரம்’ கடந்த ஆண்டு (2022) ரிலீஸானது. இயக்குநர் லோகேஷ் கனகராஜ் இயக்கியிருந்த இப்படம் ரசிகர்களிடையே மிகப் பெரிய வரவேற்பை பெற்றது. பாக்ஸ் ஆஃபிஸிலும் வசூல் சாதனை படைத்தது.
இதே ‘விக்ரம்’ என்ற டைட்டிலில் 1986-யில் ரிலீஸான படத்திலும் கமல்ஹாசன் ஹீரோவாக நடித்திருந்தார். இந்த படத்தை பாப்புலர் இயக்குநர்களில் ஒருவரான ராஜசேகர் இயக்கியிருந்தார். இதில் மிக முக்கிய ரோல்களில் சத்யராஜ், அம்பிகா, லிஸ்சி மற்றும் பலர் நடித்திருந்தனர்.
நேற்றுடன் (மே 29-ஆம் தேதி) இந்த படம் வெளி வந்து 37 ஆண்டுகள் ஆகிவிட்டது. இதனால் கமல்ஹாசனின் ரசிகர்கள் சமூக வலைத்தளங்களில் ‘#37YearsOfVikram’ என்ற ஹேஸ் டேக்கை ட்ரெண்ட் செய்தனர். தமிழில் முதல்முறையாக ரூ.1 கோடி பட்ஜெட்டில் உருவான இந்த படத்தின் மொத்த வசூல் ரூ.8 கோடியாம்.
