சினிமாவில் டாப் ஹீரோக்களில் ஒருவராக வலம் வருபவர் ‘உலக நாயகன்’ கமல் ஹாசன். இப்போது இவர் நடிப்பில் ஷங்கரின் ‘இந்தியன் 2’, லோகேஷ் கனகராஜின் ‘விக்ரம்’ என இரண்டு படங்கள் லைன் அப்பில் இருக்கிறது. இதில் ‘விக்ரம்’ படத்தின் ஷூட்டிங் சமீபத்தில் நிறைவு பெற்றது.
பொலிட்டிக்கல் ஆக்ஷன் த்ரில்லர் படமான இதில் மலையாள நடிகர் ஃபஹத் ஃபாசில், ‘மக்கள் செல்வன்’ விஜய் சேதுபதி, ‘கைதி’ அர்ஜுன் தாஸ் – நரேன் ஆகியோர் பவர்ஃபுல்லான வில்லன் ரோல்களில் நடித்துள்ளனர். படத்தை வருகிற ஜூன் 3-ஆம் தேதி ரிலீஸ் செய்ய ப்ளான் போட்டுள்ளனர்.
கமலின் கேரியரில் மிகப் பெரிய வெற்றியடைந்த படம் ‘தெனாலி’. இந்த படத்தை பாப்புலர் இயக்குநர்களில் ஒருவரான கே.எஸ்.ரவிக்குமார் இயக்கியிருந்தார். இதில் கமலுக்கு ஜோடியாக ஜோதிகா நடித்திருந்தார். மேலும், மிக முக்கிய ரோல்களில் தேவயாணி, ஜெயராம், டெல்லி கணேஷ், ரமேஷ் கண்ணா மற்றும் பலர் நடித்திருந்தனர்.
தற்போது, இப்படதிற்கு ‘தெனாலி’ன்னு டைட்டில் வைத்ததே டாப் ஹீரோக்களில் ஒருவரும், கமல் ஹாசனின் நெருங்கிய நண்பருமான ‘சூப்பர் ஸ்டார்’ ரஜினிகாந்த் தான் என தகவல் கிடைத்துள்ளது. மேலும், இக்கதைக்கான விவாதத்திலும் பல முறை ரஜினிகாந்த் கலந்து கொண்டாராம்.
