காதல் தோல்வி… கையில் செல்ஃபி… வாயில் நுரை… உயிரை விட்ட நடிகை..!

கன்னட டிவி நடிகை சந்தனா தன்னுடைய காதலன் தினேஷ்தான் காரணம் என்று விஷம் குடித்து கொண்டே செல்பி வீடியோவில் பதிவிட்டு தற்கொலை செய்து கொண்டுள்ளார்.

பெங்களூரில் வசித்து வந்தவர் சந்தனா. இவர் கன்னடத்தில் பல டிவி சீரியல்களில் நடித்துள்ளார். 29 வயதாகும் இவர், தினேஷ் என்பவரை காதலித்து வந்தார். இருவரும் நெருங்கி பழகினர், பல இடங்களிலும் சுற்றி திரிந்தனர்.. வீட்டுக்கு விஷயம் திரிந்ததும் இரு தரப்பிலுமே இவர்கள் கல்யாணத்துக்கு சம்மதம் சொன்னார்கள். இந்நிலையில், திடீரென சந்தனா வீட்டில் மயங்கி விழுந்தார்.. வாயில் நுரைதள்ளியபடி துடிதுடித்து கொண்டிருந்த சந்தனாவை அவரது குடும்பத்தினர் கண்டு பதறியடித்து கொண்டு ஆஸ்பத்திரிக்கு தூக்கி சென்றனர். ஆனால், எவ்வளவோ சிகிச்சை தந்தும் சந்தனாவை காப்பாற்ற முடியவில்லை.. பரிதாபமாக அவரது உயிர் ஆஸ்பத்திரியில் பிரிந்தது.

போலீசார் விசாரணையில் நடிகையின் செல்போனை ஆராயப்பட்டது. அதில் ஒரு வீடியோ இருந்தது. அதில் , தன்னுடைய தற்கொலைக்கு தினேஷ்தான் காரணம், அவர் தன்னை திருமணம் செய்து கொள்ள விரும்பவில்லை என்று சொல்லி கொண்டே விஷத்தை குடித்துள்ளது. அதில் பதிவாகியிருந்தது. இதையடுத்து, தொடர் விசாரணையில், இரு வீட்டில் திருமணத்துக்கு சம்மதம் சொன்னாலும், தினேஷூக்கு சந்தனாவை கல்யாணம் செய்ய விருப்பமில்லை. இதுதான் முக்கிய காரணம் என கூறப்படுகிறது..

தினேஷ் தலைமறைவாகியுள்ள நிலையில், அவரையும் போலீசார் தீவிரமாக தேடி வருகிறார்கள். இந்த சம்பவம் கன்னட சின்னத்திரையினரை அதிர்ச்சியில் ஆழ்த்தியுள்ளது.