வெளியான கார்த்தியின் “சுல்தான்” ஃபர்ஸ்ட் லுக் போஸ்டர்!

தமிழ் சினிமாவின் முன்னணி நடிகர்களில் ஒருவரான கார்த்தி தற்போது “சுல்தான்” எனும் திரைப்படத்தில் நடித்துள்ளார். இந்த திரைப்படத்தின் படப்பிடிப்பு சமீபத்தில் முடிவடைந்ததாக செய்தி வெளியானது.

இதைத்தொடர்ந்து இந்த படத்தின் டப்பிங் வேலைகள் முடிந்ததற்கான அறிவிப்பையும் படக்குழு வெளியிட்டது. இந்த படத்தின் ஃபர்ஸ்ட் லுக் போஸ்டர் வெளியாகும் என்று ஏற்கனவே அறிவித்ததையடுத்து, தற்போது கார்த்தியின் சுல்தான் ஃபர்ஸ்ட் லுக் போஸ்டர் வெளியாகி இணையதளத்தில் வைரலாகி வருகிறது.

பாக்கியராஜ் கண்ணன் இயக்கத்தில் உருவாகியுள்ள இந்த திரைப்படத்தில் கார்த்திக்கு ஜோடியாக ராஷ்மிகா மந்தனா நடித்துள்ளார். இந்த திரைப்படம் வருகிற 2021 பொங்கல் அன்று வெளியாகும் என்று எதிர்பார்க்கப்படுகிறது.

ட்ரீம் வாரியர்ஸ் தயாரிப்பில் உருவாகியுள்ள இந்த திரைப்படத்திற்கு விவேக்-மெர்வின் இசையமைத்துள்ளார். சத்யன் சூரியன் இந்த படத்தின் காட்சிகளை ஒளிப்பதிவு செய்துள்ளார். தற்போது இந்த படத்தின் ஃபர்ஸ்ட் லுக் போஸ்டர் வைரலாகி வருகிறது.

Dear brothers and sisters, Your love and appreciation is what keeps us going! Bringing you the first look of #Sulthan. Hope you like it! Love you guys! #SulthanFirstLook pic.twitter.com/9dkfwmBdo0

— Karthi (@Karthi_Offl) October 26, 2020