ஏன் கஸ்தூரிக்கா, ஏன் இந்த திடீர் முடிவு, அவங்களுக்காகவா?

கொரோனா லாக்டவுன் நேரத்தில் கஸ்தூரி எடுத்துள்ள திடீர் முடிவு குறித்து நெட்டிசன்கள் விவாதித்துக் கொண்டிருக்கிறார்கள்.

நடிகை கஸ்தூரி ட்விட்டரில் படு ஆக்டிவாக இருப்பவர். சினிமா, நாட்டு நடப்பு, அரசியல் என்று அனைத்து விஷயங்கள் பற்றியும் கருத்து தெரிவித்து வருகிறார். நேற்று கூட காங்கிரஸ் எம்.பி. ஜோதிமணிக்கு ஆதரவாக ட்வீட் செய்தார். யார் தவறு செய்தாலும் ட்விட்டரில் தட்டிக் கேட்பார். பாதிக்கப்பட்டவர்களுக்கு ஆறுதல் கூறுவார்.

கஸ்தூரியின் ட்வீட்டுகளை பார்க்கவே ஒரு பெரிய கூட்டம் உள்ளது. அதே சமயம் சில நடிகர்களின் ரசிகர்கள் கஸ்தூரியுடன் அவ்வப்போது மல்லுக்கட்டுவதும் உண்டு. அதை எல்லாம் பார்த்து பயப்படும் ஆள் இல்லை கஸ்தூரி. யாராக இருந்தாலும் வாடா பார்த்துக்கலாம் என்று கமெண்ட் பாக்ஸில் லெஃப்ட் அன்ட் ரைட் வாங்கிவிடுவார். அதனாலேயே கஸ்தூரியை விமர்சிக்க சிலருக்கு பயமும் உண்டு என்றே கூறலாம்.

கஸ்தூரி இவ்வளவு துணிச்சலுடன் இருந்துமே அவர் ஒரு நடிகை என்பதை சுட்டிக்காட்டி கேவலமாக கமெண்ட் போட ஒரு கூட்டம் உள்ளது. பெரும்பாலும் அந்த கேவலமான கமெண்ட்டுகளை கஸ்தூரி கண்டு கொள்வது இல்லை. ஆனால் சில நேரங்களில் ஆத்திரத்தை அடக்க முடியாமல் விளாசித் தள்ளிவிடுவார். அப்படி அவர் விளாச பதிலுக்கு நெட்டிசன்கள் விளாச என்று ட்விட்டரில் பெரிய அக்கப்போர் எல்லாம் நடந்திருக்கிறது.

எது நடந்தாலும் தைரியமாக ட்விட்டர் பக்கம் வருபவர் கஸ்தூரி. இந்நிலையில் அவர் தற்போது தன் கவனத்தை ஃபேஸ்புக் பக்கம் திருப்பிக் கொண்டிருக்கிறார். மெல்ல மெல்ல ட்விட்டரில் இருந்து விலகி ஃபேஸ்புக்கில் ஆக்டிவாக இருக்கப் போகிறாராம். இதை பார்த்த கஸ்தூரியின் ரசிகர்களோ, (ரசிகர்கள், நீ பார்த்த என்று கேட்காதீர்கள். அவருக்கு ஏகப்பட்ட ரசிகர்கள் இருக்கிறார்கள்) ஏன் அக்கா, ஃபேஸ்புக்கிற்கு போகிறீர்கள். அந்த ஆட்கள் மோசமாக பேசுவதை பார்த்துவிட்டு மனம் நொந்து இனி இந்த ட்விட்டர் வேண்டாம் என்று முடிவு செய்துவிட்டீர்களா என்று கேட்டுள்ளனர்.

நடிகர்களின் ரசிகர்கள் மட்டும் அல்ல கஸ்தூரி அரசியல் பற்றி ட்வீட் செய்தால் சம்பந்தப்பட்டவர்களின் ஆதரவாளர்களும் அவரை விளாசுகிறார்கள். எத்தனை பேர் வேண்டுமானாலும் திட்டுங்கடா, நான் அசர மாட்டேன் என்று தைரியமாக பதில் கமெண்ட் அடித்து வந்த கஸ்தூரி ஏன் ஃபேஸ்புக்கிற்கு செல்கிறார் என்பதே பலரின் கேள்வி.

நிச்சயம் அந்த கேள்விக்கு கஸ்தூரி விரைவில் பதில் அளிப்பார் என்று நம்புவோமாக. கஸ்தூரி நன்றாகை சமையல் செய்வார் என்பது அவரை பற்றி தெரிந்த அனைவருக்கும் தெரியும். இந்நிலையில் லாக்டவுன் நேரத்தில் மட்டர் பன்னீர் செய்து அதை புகைப்படம் எடுத்து தனது ஃபேஸ்புக் பக்கத்தில் வெளியிட்டுள்ளார் கஸ்தூரி.

மேலும் தான் ஃபார்மல் உடை அணிந்து எடுத்த புகைப்படங்களையும் ஃபேஸ்புக்கில் வெளியிட்டுள்ளார். இதை பார்த்த ரசிகர்களோ, அக்கா ட்விட்டருக்கு வாங்க. அது தான் வசதி. ஃபேஸ்புக் ஏதோ மாதிரியாக உள்ளது என்று தெரிவித்துள்ளனர்.

கஸ்தூரி ட்விட்டரில் போடும் போட்டை பார்த்து தான் அவர் பிக் பாஸ் நிகழ்ச்சியில் கலந்து கொண்டால் செமயாக இருக்கும் என்று பலரும் நினைத்தார்கள். குழந்தைகளுக்காக பிக் பாஸ் நிகழ்ச்சியில் கலந்து கொள்ளாமல் இருந்த கஸ்தூரி 3வது சீசனில் ஒரு கை பார்த்துவிடலாம் என்று வந்தார். அவர் நேரமோ என்னவோ, வனிதாவின் கை ஓங்கி, கஸ்தூரி டம்மி பீஸாகிவிட்டார். கஸ்தூரி இப்படி அடங்கிப் போவார் என்று எதிர்பார்க்காத ரசிகர்கள் அதிர்ச்சி அடைந்தது தான் மிச்சம்.