நடிகை வனிதா விஜயகுமார் பீட்டர் பால் என்பவரை சமீபத்தில் திருமணம் செய்து கொண்டார். இவர்கள் திருமணமான நாள் முதலே பல பிரச்சனைகளை சந்தித்து வருகிறார்கள்.
பீட்டர் பாலின் முதல் மனைவி தங்களுக்கு இன்னும் விவாகரத்து ஆகவில்லை என்ற பிரச்சினையை கிளப்பியது முதல் பலரும் வனிதாவை விமர்சித்து பதிவுகளையும் வீடியோக்களையும் வெளியிட்டு வருகிறார்கள்.
இதற்கு தக்க பதிலடி கொடுத்து வரும் வனிதா சமீபத்தில் சூரிய தேவி என்பவர் மீது சைபர் புல்லியிங் கேஸ் ஒன்றையும் கொடுத்தார். அதைத் தொடர்ந்து இந்த பிரச்சினையை பற்றி பேசிய குட்டி பத்மினி, லக்ஷ்மி ராமகிருஷ்ணன், கஸ்தூரி, தயாரிப்பாளர் ரவீந்தர், சூர்யா தேவி என அனைவரையும் விளாசித் தள்ளினார் வனிதா விஜயகுமார்.
சமீபத்தில் பீட்டர் பால் மற்றும் வனிதா கொடுத்த பேட்டியை தொடர்ந்து, இவர்களை விமர்சனம் செய்து பீட்டர் பாலின் முதல் மனைவி ஹெலன் லட்சுமி ராமகிருஷ்ணனை அணுகினார்.
இதனால் மீண்டும் இந்த பிரச்சனையில் தலையிட்ட லட்சுமி ராமகிருஷ்ணனை வனிதா விஜயகுமார் தகாத வார்த்தைகளால் திட்டி பேசிவிட்டார்.
My heart bleeds for you @LakshmyRamki . Please do not engage with cheap kuzhayadi sandai people. @vanithavijayku1 , You are really making this so bad for yourself. Take a break.
— Kasturi (@KasthuriShankar) July 20, 2020
ஏற்கனவே அவர்களது பிரச்சினை பற்றி பேசியிருந்த நடிகை கஸ்தூரி, தற்போது லட்சுமி ராமகிருஷ்ணனை அவதூறாகப் பேசியது மிகப்பெரிய தவறு என்று லட்சுமி ராமகிருஷ்ணனுக்கு ஆதரவு தெரிவித்து பதிவிட்டுள்ளார்.
கஸ்தூரி குறிப்பிட்டுள்ளதாவது “லட்சுமி உங்களுக்கு நடந்த இந்த துயரத்தை நினைக்கும் போது இதயம் வலிக்கிறது. வனிதாவுடன் இந்த மாதிரி கீழ்தரமான குழாயடி சண்டையில் ஈடுபடாதீர்கள். வனிதா உங்களது பெயரை நீங்களே கெடுத்துக் கொள்கிறீர்கள்” என்றிருக்கிறார்.
legal standpoint- Hypocrite Vanitha is guilty of cyber abuse , attacking the modesty of a woman, and defamation. She filed police case on surya Devi for abusing her, She has done the exact same offence toward madam Lakshmy Ramakrishnan . She can be arrested.
— Kasturi (@KasthuriShankar) July 20, 2020
மேலும் அவர் “தன்னைப் பற்றி அவதூறாக பேசியதாக வனிதா சூர்யா தேவி என்பவர் மீது சைபர் புள்ளியிங் புகார் கொடுத்தார், ஆனால் தற்போது வனிதாவே மற்றவரை பற்றி அவதூறாக பேசியுள்ளார். இது எந்த வகையில் நியாயம். இதற்கு அவரை கைது செய்யலாம்” என்றிருக்கிறார் கஸ்தூரி.
இதற்கு கோபமாக பதிலளித்துள்ள வனிதா விஜயகுமார், கஸ்தூரி தன் பிரச்சினையை வைத்து பப்ளிசிட்டி தேடுவதற்காகவே இந்த பதிவுகளை வெளியிட்டுள்ளதாகவும், அடுத்தவர் பிரச்சினையில் தலையிடுவது கஸ்தூரிக்கு தேவையில்லாத விஷயம் என்றும் கூறியுள்ளார். இதற்கு மீண்டும் கஸ்தூரி அதிரடியாக பதில் அளித்து “நீங்கள் ஒரு சைபர் அப்யூசர்” என்று வனிதாவை திட்டியுள்ளார்.
Look who is talking. Take your private life off youtube then talk. Hypocrite. Stop your cyber abuse, whole world saw your potty mouth against madam Lakshmi. No TV show friends here to conveniently edit out your expletives. You are exposing yourself, no one else is to blame.
— Kasturi (@KasthuriShankar) July 20, 2020
அதற்கு பதிலளித்த வனிதாவை மீண்டும் கஸ்தூரி திட்டி ” உங்களது சொந்த வாழ்க்கை பிரச்சனை என்றால் அதை யூடியூபில் போடும் அளவிற்கு கொண்டுவந்தது உங்கள் தப்பு. இணையதளத்தில் இருந்து மொத்தமாக உங்கள் சொந்த வாழ்க்கையை நீக்கிவிடுங்கள், பின்பு அதை பற்றி யாரும் பேச மாட்டார்கள். நீங்களே தான் உங்கள் பெயரைக் கெடுத்துக் கொள்கிறீர்கள், அதற்கு நாங்கள் யாரும் பொறுப்பல்ல” என்று பதிலளித்துள்ளார் கஸ்தூரி.
அதற்கு வனிதா கஸ்தூரிக்கு மிகவும் போரிங்கான வாழ்க்கை இருப்பதால் தன்னுடைய வாழ்க்கை பற்றி பேசுகிறார் என்றும், அடுத்தவர் வாழ்க்கையில் தீர்ப்பு சொல்வதற்கு இவர் ஒன்றும் வழக்கறிஞர் அல்ல என்றும் கூறியிருக்கிறார்.
இவ்வாறு நாளுக்கு நாள் வனிதா விஜயகுமாரின் பிரச்சனை இணையதளத்தில் படுவேகமாக வைரலாகி வருகிறது.
