‘கொரோனா’ பிரச்சனையால் இப்போது திரையுலகில் அனைத்து படங்களின் படப்பிடிப்புகளும் நிறுத்தப்பட்டுள்ளது, திரையரங்குகளும் மூடப்பட்டுள்ளது. சமீபத்தில், பிரபல நடிகை கீர்த்தி சுரேஷ் நடித்துள்ள ‘பெண்குயின்’ என்ற தமிழ் படம் OTT-யில் வெளி வந்தது. இப்போது, கீர்த்தி சுரேஷ் நடிப்பில் ஐந்து படங்கள் லைன் அப்பில் இருக்கிறது.
இந்நிலையில், நடிகை கீர்த்தி சுரேஷின் கால்ஷீட் டைரியில் மற்றுமொரு புதிய படம் இணைந்துள்ளதாக தகவல் கிடைத்துள்ளது. இந்த படத்தை இயக்குநர் அருண் மாதேஸ்வரன் இயக்கவுள்ளார். இதில் ஹீரோவாக பிரபல இயக்குநர் செல்வராகவன் நடிக்கிறாராம். பல வெற்றிப் படங்களை இயக்கிய செல்வராகவன் ஹீரோவாக நடிக்கும் முதல் படம் இதுதானாம்.
இப்படத்திற்கு ‘சாணிக் காயிதம்’ என டைட்டில் சூட்டப்பட்டுள்ளது. இதனை ‘ஸ்க்ரீன் சீன் மீடியா எண்டர்டெயின்மெண்ட் பிரைவேட் லிமிடெட்’ நிறுவனம் தயாரிக்கவுள்ளது. இன்று இதன் ஃபர்ஸ்ட் லுக் போஸ்டரையும் வெளியிட்டுள்ளனர். இந்த போஸ்டர் ரசிகர்களிடம் நல்ல வரவேற்பை பெற்று வருகிறது. அதுமட்டுமின்றி, படத்தின் மீதான எதிர்பார்ப்பையும் எகிற வைத்துள்ளது.
https://twitter.com/Screensceneoffl/status/1294614637715968001
