பிரபல நடிகை மேனகாவின் மகள் தான் கீர்த்தி சுரேஷ். ஆரம்பத்தில் சில மலையாள படங்களில் குழந்தை நட்சத்திரமாக வலம் வந்த கீர்த்தி சுரேஷ், ‘கீதாஞ்சலி’ என்ற படத்தின் மூலம் ஹீரோயினாக அவதாரம் எடுத்தார். தமிழில் கீர்த்தி சுரேஷ் அறிமுகமான படம் ‘இது என்ன மாயம்’ தான் என்றாலும், அவருக்கென மிகப் பெரிய ரசிகர் பட்டாளத்தை உருவாக்கி தந்தது ‘ரஜினி முருகன்’ மற்றும் ‘ரெமோ’ ஆகிய இரண்டு படங்களும் தான்.
அதன் பிறகு கீர்த்தி சுரேஷுக்கு அடித்தது ஜாக்பாட். அவரின் கால்ஷீட் டைரியில் ‘பைரவா, தானா சேர்ந்த கூட்டம், சீமராஜா, சாமி ஸ்கொயர், சண்டக்கோழி 2, சர்கார், பெண்குயின், அண்ணாத்த, சாணிக் காயிதம்’ என படங்கள் குவிந்தது. கீர்த்தி சுரேஷ் நேரடி தெலுங்கு படங்களிலும் நடித்துள்ளார்.
இப்போது கீர்த்தி சுரேஷ் நடிப்பில் தமிழில் ‘மாமன்னன், சைரன்’, தெலுங்கில் ‘போலா ஷங்கர், தசரா’ என நான்கு படங்கள் லைன் அப்பில் இருக்கிறது. 2018-ஆம் ஆண்டு கீர்த்தி சுரேஷ் நடிப்பில் வெளியான படம் ‘தானா சேர்ந்த கூட்டம்’.
இந்த படத்தில் ஹீரோவாக சூர்யா நடிக்க, பாப்புலர் இயக்குநர்களில் ஒருவரான விக்னேஷ் சிவன் இதனை இயக்கியிருந்தார். இதில் மிக முக்கிய ரோல்களில் நந்தா, ரம்யா கிருஷ்ணன், கார்த்திக், சுரேஷ் மேனன், கலையரசன் மற்றும் பலர் நடித்திருந்தனர். தற்போது, இந்த படத்துக்காக கீர்த்தி சுரேஷ் ரூ.1 கோடி சம்பளம் வாங்கியதாக தகவல் கிடைத்துள்ளது.
