Karthika Nair : ‘கோ’ கார்த்திகா நாயர் – ரோஹித் மேனனின் திருமணத்தில் கலந்து கொண்ட திரையுலக பிரபலங்கள்!

சினிமாவில் பாப்புலர் ஹீரோயின்களில் ஒருவராக வலம் வந்தவர் கார்த்திகா நாயர். பிரபல நடிகை ராதாவின் மகளான இவர் தமிழ் மொழியில் அறிமுகமான முதல் படம் ‘கோ’. இந்த படத்தை ஒளிப்பதிவாளர் கே.வி.ஆனந்த் இயக்க, இதில் ஹீரோவாக ஜீவா நடித்திருந்தார்.

இப்படம் மெகா ஹிட்டானதும், நடிகை கார்த்திகா நாயர் ‘அன்னக்கொடி, புறம்போக்கு என்கிற பொதுவுடமை’ ஆகிய தமிழ் படங்களில் நடித்தார். இவர் தமிழ் மொழி படங்கள் மட்டுமில்லாமல் தெலுங்கு, மலையாளம், கன்னடம் ஆகிய மொழி படங்களிலும் நடித்து ரசிகர்களிடம் அப்ளாஸ் வாங்கியிருக்கிறார்.

சமீபத்தில், கார்த்திகா நாயருக்கும், ரோஹித் மேனன் என்பவருக்கும் திருமண நிச்சயதார்த்தம் நடைபெற்றது. தற்போது, இவர்களின் திருமணம் நேற்று (நவம்பர் 19-ஆம் தேதி) திருவனந்தபுரத்தில் நடந்ததாக தகவல் கிடைத்துள்ளது.