தமிழ் சினிமாவில் முன்னணி நடிகர்களில் ஒருவரான ஆர்யா தனக்கென தனி ரசிகர் பட்டாளத்தை வைத்திருக்கிறார், அதில் ஏராளமானோர் பெண்கள் தான். அதுமட்டுமின்றி இவருக்கு திரைப்பட வட்டாரத்தில் பெரிய நண்பர் கூட்டம் இருக்கிறது.
தற்போது “கற்றது களவு” மற்றும் “கழுகு” பட ஹீரோவான கிருஷ்ணா தனது ட்விட்டர் பக்கத்தில் ஆர்யாவுடன் எங்கள் நினைவு என்று ஒரு புகைப்படத்தை பகிர்ந்து ” பழைய புகைப்படங்களை பார்த்துக்கொண்டிருக்கையில் இந்த புகைப்படத்தை கண்டுபிடித்தேன். ஆர்யா ஒரு விருந்து ஏற்பாடு செய்தால் அது இப்படித்தான் இருக்கும். அவருடைய எய்த் நோன்பு விருந்தில் எடுக்கப்பட்ட புகைப்படம் இது. பாதிப்பேர் உள்ளே பிரியாணி சாப்பிட்டுக் கொண்டிருக்கிறார்கள்” என்று நகைச்சுவையாக குறிப்பிட்டுள்ளார்.
ஆர்யாவும் கிருஷ்ணாவும் விஷ்ணுவர்தன் இயக்கத்தில் 2015 ஆம் ஆண்டு “யட்சன்” என்ற படத்தில் நடித்திருந்தார்கள். இந்தப்படத்தின் இயக்குனர் விஷ்ணுவர்தன் கிருஷ்ணாவின் சகோதரர் ஆவார்.
2005 ஆம் ஆண்டு வெளியான “அறிந்தும் அறியாமலும்” படத்தின் மூலம் தமிழ் திரையுலகிற்கு அறிமுகப்படுத்தப்பட்ட ஆர்யா பல வெற்றிப் படங்களில் நடித்து தற்போது தனக்கென தனி ரசிகர் பட்டாளத்தை வைத்திருக்கிறார்.
தற்போது சக்தி சௌந்தர்ராஜன் இயக்கத்தில் “டெடி” என்ற படத்தில் நடிகர் ஆர்யாவும் அவரது மனைவி சாயிஷாவின் ஒன்றாக நடித்துள்ளார்கள். கொரோனா லாக்டவுனிற்கு பின்னர் இந்த படம் வெளியிடப்படும் என்று திரைப்பட வட்டாரம் தெரிவித்துள்ளது.
Found this when I was browsing my album #Throwback 😍This is what happens when @arya_offl hosts an Eid lunch for his friends😘 a few more were bajaoing the biriyani in the house 🤣@actor_jayamravi @JiivaOfficial @VishalKOfficial @Actor_Jai @Act_Srikanth @shaamactor #RamanaActor pic.twitter.com/3kO43wuSzv
— krishna (@Actor_Krishna) July 15, 2020
தற்போது கிருஷ்ணா வெளியிட்டுள்ள இந்த புகைப்படத்தில் இவருடன் ஆர்யா, ஜெய், ஜெயம் ரவி, ஸ்ரீகாந்த், விஷால், ஜீவா, ஷியாம் மற்றும் ரமணா ஆகியோர் இருக்கிறார்கள்.இந்த புகைப்படம் தற்போது வைரலாகி வருகிறது.