கொரோனா லாக்டவுன் காரணமாக திரையரங்குகள் மூடப்பட்டு 100 நாட்களுக்கு மேல் ஆகிறது. இதையடுத்து திரைப்படங்கள் ஒவ்வொன்றாக OTT தளங்களில் வெளியாகி வருகிறது.
விக்ரம் பிரபுவின் “அசுர குரு” மற்றும் ஹரீஸ் கல்யாணின் “தாராள” பிரபு ஆகிய படங்களே கடைசியாக திரையரங்குகளில் வெளிவந்த திரைப்படங்கள் ஆகும்.
பொன்மகள் வந்தாள், பெண்குயின் அகிய திரைப்படங்கள் ஓடிடி தளத்தில் வெளியாகி ரசிகர்களின் வரவேற்பை பெற்ற நிலையில் தற்போது, வெங்கட் பிரபு ஒரு முக்கிய கதாபாத்திரத்தில் நடித்து வெளிவரவிருக்கும் “லாக்கப்” திரைப்படம் அடுத்து டிஜிட்டல் ரிலீஸ் பெறவுள்ளது.
நடிகர் நிதின் சத்யா தயாரிப்பில் உருவாகியிருக்கும் இந்த திரைப்படத்தை புதுமுக இயக்குனர் எஸ்.ஜி.சார்ல்ஸ் இயக்கியுள்ளார். இந்தப் படத்தில் வெங்கட்பிரபு வில்லனாக நடித்துள்ளார் என்பது சிறப்பம்சம்.
இந்தப் படத்தில் வைபவ் கதாநாயகனாகவும் சின்னத்திரையில் பிரபலமான வாணிபோஜன் இவருக்கு ஜோடியாகவும் நடித்துள்ளார். வைபவ் மற்றும் வெங்கட் பிரபு இந்த படத்தில் போலீஸ் ஆகவும், நடிகை பூர்ணா இந்த படத்தில் ஒரு முக்கிய கதாபாத்திரத்தில் நடித்துள்ளார் என்றும் செய்தி வெளியாகியுள்ளது. சந்தானம் சேகர் ஒளிப்பதிவில் இந்த படத்தின் பாடல்களை அரோல் கரோலி இசையமைத்துள்ளார்.
இந்த படம் ஜூலை மாதம் ஜி5 எனும் OTT யில் வெளியாகும் என்று எதிர்பார்க்கப்படுகிறது.லாக்டவுன் காரணமாக OTT ரிலீசுக்கு படங்கள் வரிசையாக களைகட்டி நிற்கின்றது.
