தமிழ் சினிமாவில் முன்னணி நடிகர்களில் ஒருவராக வலம் வருபவர் விஜய். இவரது ரசிகர்கள் ‘தளபதி’ என்று அன்போடு அழைத்து வருகிறார்கள். விஜய் நடிப்பில் ‘வாரிசு’ மற்றும் இயக்குநர் லோகேஷ் கனகராஜ் படம் என இரண்டு படங்கள் லைன் அப்பில் இருந்தது.
இதில் ‘வாரிசு’ படம் நேற்று (ஜனவரி 11-ஆம் தேதி) பொங்கல் ஸ்பெஷலாக ரிலீஸானது. இந்த படத்தை ‘தோழா’ படம் மூலம் ஃபேமஸான இயக்குநர் வம்சி இயக்கியுள்ளார். இதில் விஜய்-க்கு ஜோடியாக ராஷ்மிகா மந்தனா நடித்துள்ளார்.
இதனைத் தொடர்ந்து லோகேஷ் கனகராஜ் இயக்கும் படம் விஜய்யின் கேரியரில் 67-வது படமாம். இந்த படத்தை ‘7 ஸ்க்ரீன் ஸ்டுடியோ’ லலித் குமார் தயாரிக்கிறார். இதில் விஜய் கேங்ஸ்டராக வலம் வரப்போகிறாராம். மேலும், ஹீரோயினாக த்ரிஷாவும், முக்கிய ரோல்களில் சஞ்சய் தத், கெளதம் மேனன், மன்சூர் அலிகான் ஆகியோரும் நடிக்கின்றனர்.
இதற்கு அனிருத் இசையமைக்கிறார். கடந்த ஜனவரி 2-ஆம் தேதி முதல் ஆரம்பிக்கப்பட்ட இந்த படத்தின் ஷூட்டிங் பரபரப்பாக நடைபெற்று வருகிறது. இந்நிலையில், இயக்குநர் லோகேஷ் கனகராஜ் மீடியாவுக்கு கொடுத்த ஒரு பேட்டியில் “தளபதி 67 படத்தின் அப்டேட் இன்னும் 10 நாட்களில் வரும்” என்று கூறியுள்ளார்.
#Thalapathy67 update within 10 days – @Dir_Lokesh
— VTL Team (@VTLTeam) January 12, 2023
