தெலுங்கு திரையுலகில் பிரபலமான நடிகராக இருந்தவர் பிரபாஸ் . இயக்குனர் ராஜமௌலி இயக்கிய பாகுபலி படம் மூலம் இந்தியா முழுவதும் பிரபலமானார் . தற்போது பான் இந்தியா ஸ்டாராக உள்ள பிரபாஸ் அதிபுருஷ் படத்தில் நடித்து முடித்துள்ளார் . இந்த படம் அடுத்த ஆண்டு திரைக்கு வர இருக்கிறது .
பாகுபலி படம் வெளியான பிறகு நடிகர் பிரபாஸும் , அனுஷ்காவும் காதலிப்பதாக தகவல் பரவியது ஆனால் அந்த தகவலை இருவரும் உறுதிப்படுத்தவில்லை . இந்நிலையில் தற்போது இந்தி நடிகை கிருத்தி சனோனும், பிரபாசும் காதலிப்பதாக புதிய தகவல் தெலுங்கு திரையுலகில் பேசப்பட்டு சமூக வலைதளங்களில் தீயாக பரவி வருகிறது
ஆதிபுருஷ் படத்தில் ராமர் வேடத்தில் பிரபாஸ் நடிக்கிறார். சீதை கதாபாத்திரத்தில் பிரபல இந்தி நடிகை கிருத்தி சனோன் நடிக்கிறார். படப்பிடிப்பில் இருவருக்கும் நெருக்கம் ஏற்பட்டு காதல் மலர்ந்துள்ளதாக செய்திகள் வெளியாகி இருந்தது .
இந்நிலையில் இந்த தகவலை தற்போது கிருத்தி சனோன் முற்றிலுமாக மறுத்துள்ளார் . அவற்றை . கிருத்தி சனோன் அது காதலும் இல்லை, பப்ளிசிட்டியும் இல்லை. அந்த ரியாலிட்டி ஷோவில் எங்களது ஒரு வேடிக்கையான கேலிப் பேச்சு இப்படி வதந்தி வரக் காரணமாகிவிட்டது. ஏதாவது ஒரு இணையதளம் எனது திருமணத் தேதியை அறிவிப்பதற்கு முன்பு உங்களது கற்பனையை உடைத்து விடுங்கள். வதந்திகள் அனைத்து நிச்சயம் ஆதாரம் இல்லாதவை,” என குறிப்பிட்டுள்ளார்.
