சிலம்பரசனின் ‘மாநாடு’ படத்துக்காக ஒன்றிணைந்த ரவி தேஜா, ப்ரித்விராஜ், சுதீப், அனுராக்!

சினிமாவில் பாப்புலர் ஹீரோவாக வலம் வருபவர் சிலம்பரசன் TR. இப்போது சிலம்பரசன் நடிப்பில் ‘மாநாடு, மஹா, பத்து தல’, இயக்குநர் சுசீந்திரன் மற்றும் இயக்குநர் கெளதம் வாசுதேவ் மேனன் இயக்க உள்ள புதிய படங்கள் என ஐந்து படங்கள் லைன் அப்பில் இருக்கிறது.

இதில் பிரபல இயக்குநர் வெங்கட் பிரபு இயக்கும் ‘மாநாடு’ படத்தில் ஹீரோயினாக கல்யாணி ப்ரியதர்ஷனும், வில்லன் ரோலில் எஸ்.ஜே.சூர்யாவும் நடிக்கின்றனர். பொலிட்டிக்கல் ஆக்ஷன் த்ரில்லர் ஜானர் படமான இதற்கு யுவன் ஷங்கர் ராஜா இசையமைத்து வருகிறார். சமீபத்தில், ரிலீஸ் செய்யப்பட்ட போஸ்டர்ஸ் மற்றும் மோஷன் போஸ்டர் சமூக வலைத்தளங்களில் தீயாய் பரவி வந்தது. அதுமட்டுமின்றி, படத்தின் மீதான எக்ஸ்பெக்டேஷன் லெவலையும் எகிற வைத்தது.

இந்த படத்தின் ஃபைனல் ஷெடியூல் ஷூட்டிங் ஜெட் ஸ்பீடில் நடந்து வருகிறது. தற்போது, இந்த படம் தமிழ் மட்டுமில்லாமல் தெலுங்கு, மலையாளம், கன்னடம் மற்றும் ஹிந்தி ஆகிய மொழிகளில் டப் செய்யப்போவதாக தகவல் கிடைத்துள்ளது. இதன் டீசரை (தமிழ் வெர்ஷன் – ஏ.ஆர்.ரஹ்மான், தெலுங்கு வெர்ஷன் – ரவி தேஜா, மலையாள வெர்ஷன் – ப்ரித்விராஜ், கன்னட வெர்ஷன் – சுதீப், ஹிந்தி வெர்ஷன் – அனுராக் காஷ்யப்) நாளை (பிப்ரவரி 3-ஆம் தேதி) மதியம் 2:34 PM-க்கு சிலம்பரசனின் பர்த்டே ஸ்பெஷலாக ரிலீஸ் செய்ய ப்ளான் போட்டுள்ளனர்.