நடிகை மாளவிகா மோகனன் ஆசை நிறைவேறியுள்ளதா?

சமீபத்தில் தமிழ் திரையுலகில் அறிமுகமாகி சில படங்களில் மட்டுமே நடித்திருந்தாலும் தனக்கென தனி ரசிகர் கூட்டத்தை பெற்றிருப்பவர் நடிகை மாளவிகா மோகனன். இவர் தனுஷ் பிறந்தநாளன்று அவருக்கு வாழ்த்துக்களை தெரிவித்தபோது அவருடன் நடிப்பதற்கு விருப்பம் தெரிவித்து பதிவு ஒன்றை வெளியிட்டிருந்தார்.

இதைத்தொடர்ந்து தற்போது வெளியாகியுள்ள தகவல் என்னவென்றால் கார்த்திக் நரேன் இயக்கத்தில் தனுஷ் நடிப்பில் அடுத்து வெளியாகவிருக்கும் “D43” என்று பெயரிடப்பட்டுள்ள படத்தில் தனுஷிற்கு ஜோடியாக மாளவிகா மோகனன் நடிக்கவுள்ளதாக செய்தி வந்துள்ளது.

மாளவிகா மோகனன் விருப்பம் தெரிவித்து பதிவிட்டதற்கு நடிகர் தனுஷ் தானும் அதை எதிர்பார்த்து காத்திருப்பதாக பதிலளித்திருந்தார். இதனால் D43 படத்தில் மாளவிகா மோகனன் நடிப்பதற்கு அதிக வாய்ப்பு இருக்கிறது என்று ரசிகர்கள் நம்புகிறார்கள்.

இதற்கான அதிகாரப்பூர்வமான தகவல் இன்னும் வெளிவராத நிலையில் மாளவிகா மோகனன் விருப்பம் தெரிவித்தது இதற்கான ஹின்ட் தானோ என்று ரசிகர்கள் நினைத்து வருகிறார்கள்.

Thank you, looking forward 🙂

— Dhanush (@dhanushkraja) July 29, 2020

ஒருவேளை இந்த செய்தி உண்மையாக இருப்பின் மாளவிகா மோகனன் தனது பிறந்தநாளை வருகிற ஆகஸ்ட் 4 ஆம் தேதி கொண்டாடவுள்ளார், அன்று இதற்கான அதிகாரபூர்வமான தகவல் வெளியாகலாம் என்றும் எதிர்பார்க்கப்படுகிறது.

சமீபத்தில் சூப்பர் ஸ்டார் ரஜினிகாந்த் நடிப்பில் வெளியான “பேட்ட” படத்தில் நடித்திருந்த மாளவிகா மோகனன், அடுத்து லோகேஷ் கனகராஜ் இயக்கத்தில் விஜய் நடிப்பில் வெளியாகவிருக்கும் “மாஸ்டர்” படத்தில் விஜய்க்கு ஜோடியாக நடித்துள்ளார். இந்த படத்திற்கு அனிருத் ரவிச்சந்தர் இசையமைத்துள்ளார். விஜய் சேதுபதி இந்த படத்தில் வில்லனாக நடித்துள்ளார். கொரோனா காரணமாக இந்த படத்தின் வெளியீடு தற்போது தள்ளி வைக்கப்பட்டுள்ளது.