நடிகை மாளவிகா மோகனனுக்கு பிடித்த விஷயம் இதுதான்!

தமிழில் முன்னணி நடிகர்களில் ஒருவரான விஜய் நடிப்பில் அடுத்து வெளிவரவிருக்கும் திரைப்படம் “மாஸ்டர்”. கடந்த ஏப்ரல் மாதம் வெளியாகவிருந்த இந்த திரைப்படம் கொரோனா காரணமாக தற்போது நிறுத்தி வைக்கப்பட்டுள்ளது.

இந்தப் படத்தில் நடிகர் விஜய்க்கு ஜோடியாக மாளவிகா மோகனன் நடித்துள்ளார். லோகேஷ் கனகராஜ் இயக்கத்தில் உருவாகியிருக்கும் இந்த திரைப்படத்தில் விஜய் சேதுபதி வில்லனாக நடித்துள்ளார். அனிருத் ரவிச்சந்தர் இந்தப் படத்திற்கு இசையமைத்துள்ளார்.

ரசிகர்களைப் போலவே இந்த படத்தின் வெளியீட்டிற்கு மாளவிகா மோகனனும் எதிர்பார்த்து காத்திருக்கிறாராம். சமீபகாலமாக சோசியல் மீடியாவில் ஆக்டிவாக இருக்கும் மாளவிகா மோகனன் ட்விட்டரில் ரசிகர்களின் கேள்விக்கு பதிலளித்து வருகிறார்.

உங்களை சந்தோஷமாக வைத்திருக்கும் ஒரு விஷயம் என்ன என்ற ரசிகர் ஒருவரின் கேள்விக்கு, ஏப்ரல் மாதம் வெளியாகவிருந்த இந்த திரைப்படத்திற்கு முன்பு மார்ச் மாதம் தான் ஜப்பானிர்ருக்கு சுற்றுலா செல்ல ஏற்பாடு செய்திருந்ததாகவும் கொரோனா காரணமாக இந்த பிளான் ட்ராப் ஆகி விட்டதாகவும் வருத்தத்துடன் தெரிவித்திருக்கிறார். மேலும் வேலை செய்யாத நேரங்களில் தனக்கு மிகவும் பிடித்த விஷயம் டிராவலிங் என்று தெரிவித்துள்ளார்.

மேலும் லாக்டவுனில் தனது குடும்பத்துடன் நேரத்தை செலவிட்டு வருவதாகவும், நண்பர்களுடன் லூடோ விளையாடுவதாகவும் கூறியுள்ள மாளவிகா மோகனன், தான் தனது குடும்பத்துடன் நேரம் செலவிடுவதற்கு இந்த லாக்டவுன் ஒரு காரணமாக அமைந்தது மிகவும் மகிழ்ச்சி எனவும், ஏற்கனவே நான் என் குடும்பத்துடன் மிகவும் நெருங்கிய நபர் தற்போது மேலும் எங்களுக்குள் நெருக்கம் உண்டாகியுள்ளது என்று மகிழ்ச்சியுடன் கூறியிருக்கிறார்.

ஷுட்டிங் பற்றி ஒரு ரசிகர் கேட்ட கேள்விக்கு, தினமும் ஷுட்டிங் செல்வது ஒரு சுவாரஸ்யமான விஷயம், புதிய நபர்களை சந்திக்கலாம் மேலும், புதிய விஷயங்களை கற்றுக் கொள்ளலாம் அதனால் எப்பொழுதுமே ஷுட்டிங் போரடிக்காது என்று கூறியிருக்கிறார்.

I loveeee travelling! Seeing new people, new places, new cultures! In fact had a trip planned to Japan for March, but then the lockdown happened ☹️ My favourite thing to do when I’m not working! ♥️☺️ https://t.co/W7VyDHWerv

— Malavika Mohanan (@MalavikaM_) August 4, 2020

“மாஸ்டர்” படத்தில் நடித்து முடித்துள்ள மாளவிகா மோகனன், “ஹீரோ” தெலுங்கு படத்தில் நடிப்பதற்கு ஒப்பந்தமாகியுள்ளார். அதுமட்டுமின்றி மாளவிகா மோகனனுக்கு நிறைய பட வாய்ப்புகள் குவிந்து வருவதாக செய்தி தெரிவிக்கிறது.