நான் அவரோட ரசிகை, அவர் படத்துல நடிக்கணும்… மாளவிகா மோகனனின் ஆசை இதுதான்!

பிரபல நடிகை மாளவிகா மோகனன் நடித்து தமிழில் இதுவரை ஒரு படம் தான் ரிலீஸாகி இருக்கிறது. இன்னொரு படம் இனிமேல் தான் வெளியாகவே போகிறது. ஆனால், அதற்குள் இவருக்கு மிகப் பெரிய ரசிகர் பட்டாளம் இருக்கிறது. இதற்கு காரணம் இவர் நடித்திருக்கும் இரண்டு படங்களுமே முன்னணி ஹீரோக்களின் படங்கள். முதல் படமான ‘பேட்ட’-யில் ‘சூப்பர் ஸ்டார்’ ரஜினிகாந்த் தான் ஹீரோ. இரண்டாவது படமான ‘மாஸ்டர்’-யில் ‘தளபதி’ விஜய் தான் ஹீரோ.

‘பேட்ட’ படத்தில் சசிக்குமாருக்கு ஜோடியாக ‘பூங்கொடி’ என்ற கதாபாத்திரமாக வலம் வந்திருந்தார் மாளவிகா மோகனன். ‘பேட்ட’ ஹிட்டிற்கு பிறகு இவரின் கால்ஷீட் டைரியில் இணைந்த ‘மாஸ்டர்’ படத்தை லோகேஷ் கனகராஜ் இயக்கியுள்ளார். இதில் மாளவிகா, விஜய்-க்கு ஜோடி என்பதால் அவருக்கு இந்த படம் மிகப் பெரிய அளவில் வெற்றிபெற்று கேரியரில் ஹைலைட்டான படமாக மாற அதிக வாய்ப்பு இருக்கிறது. நேற்று (ஆகஸ்ட் 4-ஆம் தேதி) மாளவிகா மோகனன் தனது பிறந்த நாளை முன்னிட்டு ட்விட்டரில் ரசிகர்கள் கேட்கும் கேள்விகளுக்கு பதில் அளித்து வந்தார்.

அதில் ஒரு ரசிகர் “தளபதியிடம் இருந்து பர்த்டே வாழ்த்து வந்ததா?” என்று கேட்டிருந்தார். அதற்கு மாளவிகா “வந்தது” என்று கூறியிருந்தார். இன்னொரு ரசிகர் “மாஸ்டர் படத்தில் உங்களோட பெயர் என்ன?” என்று கேட்டிருந்தார். அதற்கு மாளவிகா “முதல் எழுத்து ‘C’-யில் துவங்கும். இதற்கு மேல் சொன்னால் இயக்குநர் லோகேஷ் கனகராஜ் என்னை கொன்று விடுவார்” என்று தெரிவித்திருந்தார். மற்றொரு ரசிகர் “எந்த கோலிவுட் இயக்குநரின் படத்தில் நடிக்க ஆசைப்படுகிறீர்கள்?” என்று கேட்டிருந்தார். அதற்கு மாளவிகா “வெற்றிமாறன் சார்.. நான் அவருடைய படங்களுக்கு மிகப் பெரிய ரசிகை” என்று பதில் ட்வீட் போட்டிருந்தார்.

Yessss! He’s always the sweetest! ☺️ https://t.co/PQJICHMChg

— Malavika Mohanan (@MalavikaM_) August 4, 2020

https://twitter.com/MalavikaM_/status/1290637915568168960

Vetrimaaran Sir! I’m a huge fan of his work! https://t.co/YjmKmpgTFp

— Malavika Mohanan (@MalavikaM_) August 4, 2020