தமிழ் சினிமாவின் முன்னணி நடிகர்களில் ஒருவரான சிலம்பரசன் நடித்துக் கடைசியாக வெளிவந்த திரைப்படம் “வந்தா ராஜாவா தான் வருவேன்”. சுந்தர் சி இயக்கத்தில் இந்த படத்தில் நடித்திருந்த சிம்பு, அடுத்து வெங்கட்பிரபு இயக்கத்தில் “மாநாடு” என்ற படத்தில் நடிப்பதற்கு ஒப்பந்தமாகியிருந்தார்.
இந்த வருடத்தின் தொடக்கத்தில் இந்த திரைப்படத்தின் படப்பிடிப்பு தொடங்கப்பட்ட நிலையில், கொரோனா லாக்டவுன் காரணமாக தற்போது நிறுத்திவைக்கப்பட்டுள்ளது.
இந்த படத்தைப்பற்றிய அப்டேட்டை சிம்புவின் ரசிகர்கள் எதிர்பார்த்து காத்திருந்த நிலையில், தற்போது இந்த படத்தின் தயாரிப்பாளர் சுரேஷ் காமாட்சி இந்த படத்தை பற்றி அதிகாரப்பூர்வமான தகவல் ஒன்றை வெளியிட்டுள்ளார்.
இவர் குறிப்பிட்டுள்ளதாவது “ஹாய் நண்பர்களே. அனைவரும் மாநாடு படத்தின் அப்டேட் பற்றி கேட்டிருந்தீர்கள். அனைவரும் அரசின் ஆணைக்காக காத்திருக்கிறோம். அரசு ஆணை பிறப்பித்த உடனேயே படப்பிடிப்பு தொடங்கிவிடும். அனைவரும் பாதுகாப்பாக இருங்கள்” என்றிருக்கிறார்.
வெங்கட் பிரபு இயக்கத்தில் உருவாகும் இந்தப் படத்தில் எஸ் ஜே சூர்யா, கல்யாணி பிரியதர்ஷன், எஸ் ஏ சந்திரசேகர், பாரதிராஜா, பிரேம்ஜி அமரன், கருணாகரன் ஆகியோரும் நடித்துள்ளார்கள். இந்த படத்திற்கு யுவன் சங்கர் ராஜா இசையமைத்திருக்கிறார்.
Hi friends, EveryOne r asking abt #Maanaadu updates. As of nw Industry s waiting for Government's Green signal. Once the permission granded immediately, we wl b on floor…stay safe!#SilambarasanTRFans #STRFans
— sureshkamatchi (@sureshkamatchi) July 19, 2020
