அஜித் ரசிகர்கள் குறித்து ‘மங்காத்தா’ இயக்குநர் போட்ட ட்வீட்!

முன்னணி நடிகர்களில் ஒருவரான ‘தல’ அஜித் நடித்து கடந்த ஆண்டு (2019) வெளியான ‘நேர்கொண்ட பார்வை’ சூப்பர் ஹிட்டானது. ஆகையால், ‘நேர்கொண்ட பார்வை’ படத்தின் இயக்குநர் ஹெச்.வினோத் மற்றும் தயாரிப்பாளர் போனி கபூருடன் மீண்டும் அஜித் கூட்டணி அமைத்திருக்கிறார். அந்த படம் தான் ‘வலிமை’.

இதில் ‘தல’ அஜித் காக்கி சட்டை அணிந்து பவர்ஃபுல்லான போலீஸ் ரோலில் வலம் வந்து எதிரிகளை துவம்சம் செய்யப் போகிறாராம். ரஜினியின் ‘காலா’ படத்தில் ‘ஜரீனா’ கதாபாத்திரத்தில் வந்த ஹூமா குரேஷி தான் இந்த படத்தில் ஹீரோயினாம். இதன் ஷூட்டிங் பரபரப்பாக நடைபெற்று வந்தது.

பின், ‘கொரோனா’ பிரச்சனையால் திரையுலகில் அனைத்து படங்களின் படப்பிடிப்புகளும் நிறுத்தப்பட்டது. இந்நிலையில், அஜித் நடித்து ஹிட்டான ‘மங்காத்தா’ என்ற படம் ரிலீஸாகி இன்றோடு 9 ஆண்டுகள் ஆகி விட்டது. இதனால் சமூக வலைத்தளமான ட்விட்டரில் ‘#9YearsOfMankatha’ என்ற ஹேஸ் டேக் போட்டு ட்ரெண்ட் செய்து வருகிறார்கள் நடிகர் அஜித்தின் ரசிகர்கள். தற்போது, இது தொடர்பாக இப்படத்தின் இயக்குநர் வெங்கட் பிரபு ட்விட்டரில் அஜித் ரசிகர்களுக்கு நன்றி கூறியுள்ளார்.