கடந்த 1ம் தேதி நடிகர் அஜித்தின் பிறந்தநாள். ஆனால் கொரோனா வைரஸ் தாக்கம் காரணமாக தன்னுடைய பிறந்த நாளை யாரும் கொண்டாட வேண்டாம் என்று நடிகர் அஜித் ரசிகர்களிடம் கோரிக்கை ஒன்றை விடுத்திருந்தார். ஆனால் பிரபலங்கள் பலர் இவருக்கு வாழ்த்துக்களை தெரிவித்திருந்தனர். இந்த நிலையில் பிக்பொஸ் பிரபலம் மீரா மிதுனும் வாழ்த்துக்களை தெரிவித்திருந்தார்.
அப்போது அஜித்துடன் அவர் நடித்திருந்த புகைப்படம் ஒன்றினையும் அவர் பதிவிட்டிருந்தார். என்னை அறிந்தால் படத்தில் அஜித்துடன் அவர் நடித்திருந்ததாகவும் குறிப்பிட்டிருந்தார். ஆனால் ஒரு பாடலில் வரும் சில விநாடி சீனில் மட்டும் அவர் கும்பலோடு கும்பலாக நின்றது தெரியவந்துள்ளது.
இதை பார்த்த ரசிகர்கள் கூட்டத்தில் நின்னதுக்கு என்னமா பில்டப் தரீங்க என்ற ரீதியில் மீராவை கிண்டல் செய்து வருகின்றனர். இதைவிட பெரிய அளவு கிண்டலை எல்லாம் பார்த்தவர் மீரா என்பதால் இதை எதையும் கண்டுகொள்ளாமல் அவர் தன்னுடைய அரைகுறை போட்டோஷூட்டில் தீவிரம் காட்டி வருகிறார். பிக்பாஸ் நிகழ்ச்சியில் சேரன் மீது தவறான குற்றச்சாட்டை கூறி தமிழகம் முழுவதும் பிரபலமானார் மீரா மிதுன், அதன் பின் அரைகுறை போட்டோஷூட், ஆண் நண்பர்களுடன் கெட்ட ஆட்டம் என தன்னுடைய புகழை தக்கவைத்துக்கொண்டு வருகிறார்.
