சினிமாவில் பாப்புலர் ஹீரோக்களில் ஒருவராக வலம் வருபவர் ரிச்சர்ட் ரிஷி. இவர் நடிப்பில் உருவாகியுள்ள புதிய படம் ‘ருத்ர தாண்டவம்’. இந்த படத்தை ‘திரௌபதி’ படம் மூலம் ஃபேமஸான இயக்குநர் மோகன்.ஜி இயக்கியுள்ளார். இதில் ரிச்சர்ட் ரிஷிக்கு ஜோடியாக தர்ஷா குப்தா டூயட் பாடி ஆடியுள்ளார்.
மேலும், இந்த படத்தில் பவர்ஃபுல்லான வில்லன் ரோலில் டாப் இயக்குநர்களில் ஒருவரான கெளதம் வாசுதேவ் மேனன் நடித்துள்ளாராம். இதனை ‘GM ஃபிலிம் கார்ப்பரேஷன்’ மற்றும் ‘7G ஃபிலிம்ஸ்’ ஆகிய நிறுவனங்கள் இணைந்து தயாரித்துள்ளது. கடந்த ஜூலை மாதம் 2-ஆம் தேதி இதன் ஷூட்டிங் முழுவதும் முடிவடைந்தது.
சமீபத்தில், இப்படத்தின் ட்ரெய்லரை இயக்குநர் மோகன்.ஜி தனது ட்விட்டர் பக்கத்தில் ரிலீஸ் செய்தார். இந்த ட்ரெய்லர் படத்தின் மீதான எக்ஸ்பெக்டேஷன் லெவலை எகிற வைத்தது. படத்தை வருகிற அக்டோபர் மாதம் 1-ஆம் தேதி திரையரங்குகளில் ரிலீஸ் செய்ய ப்ளான் போட்டுள்ளனர். தற்போது, இந்த படத்தின் ஸ்னீக் பீக்கை ரிலீஸ் செய்துள்ளனர்.
#RudraThandavam sneak peak is here…https://t.co/tMf2L4IFBC
— Mohan G Kshatriyan (@mohandreamer) September 28, 2021
