மாளவிகா மோகனன் புகைப்பட துறையில் சிறந்து விளங்குவது தற்போது தெரியவந்துள்ளது.
சூப்பர் ஸ்டார் ரஜினிகாந்த் நடித்த ‘பேட்ட’ படத்தில் ஒரு சின்ன கேரக்டரில் நடித்த மாளவிகா மோகனன், விஜய்யின் ‘மாஸ்டர்’ படத்தின் நாயகியாக நடித்தவுடன் அந்த படம் ரிலீஸ் ஆகும் முன்பே பிரபலமானார். அவருடைய சமூக வலைத்தளத்தில் ஆயிரக்கணக்கான ஃபாலோயர்கள் உள்ளனர்.
இந்த நிலையில் மாளவிகாவுக்கு நடிப்பு மட்டுமின்றி அவர் ஒரு மோட்டார் சைக்கிள் பிரியர் என்பதும், ஃபார்முலா ஒன் பந்தயத்தில் அவர் மிகச்சிறந்த பைக் ரைடர்கள் சிலருடன் பைக் ஓட்டியதாகவும் வெளிவந்த செய்தியை ஏற்கனவே பார்த்தோம்.
இந்த நிலையில் மாளவிகா மோகனன் ஒரு மிகச்சிறந்த போட்டோகிராபர் என்பதும், வைல்ட் போட்டோகிராபி அவரது பொழுதுபோக்குகளில் ஒன்றும் என்பதும் சமீபத்தில் அவர் அளித்துள்ள பேட்டியின் மூலம் தெரிய வந்துள்ளது.
தமிழ்நாடு, கேரளா, கர்நாடகா ஆகிய பகுதிகளில் உள்ள காடுகளில் மணிக்கணக்காக காத்திருந்து அவர் பல அற்புதமான புகைப்படங்களை எடுத்துள்ளார். மேலும் சமீபத்தில் அவர் ஆப்பிரிக்காவுக்கு சென்று அங்குள்ள அடர்ந்த காடுகளிலும் சில புகைப்படங்களை எடுத்துள்ளதாக தெரிவித்துள்ளார். அவருடைய புகைப்படங்களை பார்த்து மாளவிகா மோகனனிடம் இத்தனை திறமையா? என ரசிகர்கள் ஆச்சரியம் அடைந்துள்ளனர்.
மேலும் மாளவிகா மோகனனின் தந்தை ஒரு மிகச்சிறந்த ஒளிப்பதிவாளர் என்பதும் அவர் பல தெலுங்கு மற்றும் இந்தி திரைப்படங்களுக்கு ஒளிப்பதிவாளராக பணிபுரிந்துள்ளார் என்பது குறிப்பிடத்தக்கது. தந்தைக்கு தப்பாமல் பிறந்த மகள் மாளவிகாவும் புகைப்படத்துறையில் சிறந்து விளங்குவது ஆச்சரியம் இல்லை தானே!
