தமிழில் ஷங்கர் இயக்கத்தில் 2003 ஆம் ஆண்டு வெளியான “பாய்ஸ்” திரைப்படம் மூலம் தமிழ் திரையுலகிற்கு அறிமுகமானவர் நடிகர் நகுல்.
பிறகு காதலில் விழுந்தேன், மாசிலாமணி, கந்தக்கோட்டை, வல்லினம், தமிழுக்கு என் ஒன்றை அழுத்தவும், நாரதன், பிரம்மா, செய் போன்ற படங்களில் நடித்து தமிழ் திரைப்படவுலகில் தனக்கென தனி இடத்தை பிடித்துள்ளார். இவர் நடிகர் மட்டுமல்லாது பின்னணி பாடகராகவும் இருந்துள்ளார்.
இவர் கடந்த 2014ஆம் ஆண்டு ஸ்ருதி பாஸ்கர் என்பவரை திருமணம் செய்து கொண்டார். சமீபத்தில் தனது மனைவி கர்ப்பமாக இருக்கும் விஷயத்தை மகிழ்ச்சியாக புகைப்படங்களை வெளியிட்டு கொண்டாடினார் நகுல். இந்த புகைப்படங்கள் இணையதளத்தில் வைரலானது.
தற்போது தந்தையான உற்சாகத்தில் இருக்கிறார் நகுல். இவருக்கு பெண் குழந்தை பிறந்துள்ளது. தன் மகளுடன் தற்போது அவர் இருக்கும் புகைப்படம் ஒன்றை வெளியிட்டு “இளவரசிக்கு நான் தந்தை. என் மனைவி ஸ்ருதிக்கு நன்றி. எப்பொழுதும் என்னை ஒரு சூப்பர் ஹீரோ போல நீ உணர வைப்பாய். என்னை மகிழ்ச்சிக் கடலில் நீந்த வைத்துள்ளாய். குழந்தையைப் பெற்று எடுக்கலாம் என்று முடிவு செய்தது முதல் தற்போது நம்ம கையில் அவள் வரும்வரை நீ என்னை பெருமையுற செய்துள்ளாய்” என்று மகிழ்ச்சியுடன் பதிவிட்டுள்ளார்.
மேலும் இதற்கு பதிலளித்த அவர் மனைவி “நம் மகள் இந்த உலகிற்கு வந்து ஒரு வாரம் ஆகிவிட்டதை என்னால் நம்பவே முடியவில்லை. ஆண்கள் அனைத்திலும் சமபங்கு எடுக்க வேண்டுமென்று பேசுபவள் நான், ஆனால் இந்த குழந்தை உருவானது முதல் நான் ஒவ்வொரு மாதத்தையும் உன்னுடன் கடந்ததிலிருந்து, தற்போது நம் மகள் பிறந்து ஒரு வாரம் ஆகி விட்டது வரை நீ ஒரு சூப்பர் டாடியாக இருந்துள்ளாய். அதற்கு உனக்கு பெரிய பாராட்டுக்கள். நம் மகள் அப்பா செல்லமாக இருப்பாள். வி லவ் யூ மோர் தேன் யு எவர் நோ” இன்று பாராட்டி மகிழ்ச்சியில் பதிவிட்டுள்ளார்.
