தெலுங்கு சினிமாவில் டாப் ஹீரோக்களில் ஒருவராக வலம் வருபவர் நானி. இவர் நடித்த ‘தசரா’ படம் இந்த ஆண்டு (2023) மார்ச் 30-ஆம் தேதி தெலுங்கு, தமிழ், ஹிந்தி, மலையாளம், கன்னடம் என ஐந்து மொழிகளில் ரிலீஸானது.
இந்த படத்தை இயக்குநர் ஸ்ரீகாந்த் ஒடிலா இயக்கியிருந்தார். இதில் நானிக்கு ஜோடியாக கீர்த்தி சுரேஷ் நடித்திருந்தார். மேலும், மிக முக்கிய ரோல்களில் சாய் குமார், சமுத்திரக்கனி, ஷைன் டாம் சாக்கோ, பூர்ணா மற்றும் பலர் நடித்திருந்தனர்.
இதற்கு சந்தோஷ் நாராயணன் இசையமைத்திருந்தார், சத்யன் சூர்யன் ஒளிப்பதிவு செய்திருந்தார், நவீன் நூலி படத்தொகுப்பாளராக பணியாற்றியிருந்தார். இதனை ‘ஸ்ரீ லக்ஷ்மி வெங்கடேஸ்வரா சினிமாஸ்’ என்ற நிறுவனம் தயாரித்திருந்தது.
இப்படம் ரசிகர்களிடம் நல்ல வரவேற்பை பெற்று மெகா ஹிட்டானது. தற்போது, உலக அளவில் இந்த படத்தின் மொத்த வசூல் ரூ.118.5 கோடி என தகவல் கிடைத்துள்ளது.
