தமிழ் நாடு, கேரளா, ஆந்திரா மற்றும் தெலுங்கானாவில் மிகப் பெரிய ரசிகர் பட்டாளத்தை வைத்திருப்பவர் நடிகை நயன்தாரா. இவரை அவரது ரசிகர்கள் அன்புடன் ‘லேடி சூப்பர் ஸ்டார்’ என்று அழைத்து வருகிறார்கள்.
‘லேடி சூப்பர் ஸ்டார்’ நயன்தாரா நடிப்பில் தமிழில் ‘மண்ணாங்கட்டி’, இயக்குநர் நிலேஷ் கிருஷ்ணா படம் என இரண்டு படங்கள் லைன் அப்பில் இருக்கிறது. இதில் பிரம்மாண்ட இயக்குநர் ஷங்கரிடம் உதவி இயக்குநராக பணியாற்றி சினிமா கற்ற இயக்குநர் நிலேஷ் கிருஷ்ணா இயக்கும் படம் நயன்தாராவின் கேரியரில் 75-வது படமாம்.
இந்த படத்தில் மிக முக்கிய ரோல்களில் ஜெய், சத்யராஜ், அச்யுத் குமார், கே.எஸ்.ரவிக்குமார், ரேணுகா ஆகியோர் நடிக்கின்றனர். இதனை ‘ஜீ ஸ்டுடியோஸ் – NAAD ஸ்டுடியோஸ் – டிரைடென்ட் ஆர்ட்ஸ்’ ஆகிய நிறுவனங்கள் இணைந்து தயாரிக்கிறது.
தற்போது, இந்த படத்துக்கு ‘அன்னபூரணி’ என டைட்டில் வைக்கப்பட்டுள்ளதாக அதிகாரப்பூர்வமாக அறிவிக்கப்பட்டதுடன், இதன் GLIMPSE-ஐயும் ரிலீஸ் செய்துள்ளனர். இந்த GLIMPSE ரசிகர்களிடம் நல்ல வரவேற்பை பெற்று வருகிறது.
