OTTயில் வெளியாகிறதா நயன்தாரா திரைப்படம்!

கொரோனா லாக்டவுன் காரணமாக நாடு முழுவதும் திரைப்பட படப்பிடிப்புகள் நிறுத்தி வைக்கப்பட்டிருந்தது மேலும் திரையரங்குகள் மூடப்பட்டிருந்தது.

சமீபத்தில் அரசு சில விதிமுறைகளை பின்பற்றி திரைப்பட படப்பிடிப்புகள் நடத்தலாம் என்று அறிவித்துள்ளது. இதனால் அடுத்தடுத்து பெரிய நட்சத்திரங்களின் திரைப்பட படப்பிடிப்புகள் தொடங்க உள்ளது.

ஆனால் திரையரங்குகள் திறக்கப்படுவதற்காக எந்த ஒரு அறிகுறியும் இல்லாத நிலையில், பெரிய நட்சத்திரங்களின் திரைப்படங்கள் தற்போது OTT பக்கம் படையெடுத்துள்ளது.

தற்போது சூர்யா நடிப்பில் வெளியாக உள்ள சூரரைப்போற்று அமேசான் OTT தளத்தில் வெளியாகும் என்று ஏற்கனவே செய்தி வெளியாகி பரபரப்பை ஏற்படுத்தியுள்ளது.

இந்நிலையில் தற்போது நயன்தாரா நடித்து வருகிற “மூக்குத்தி அம்மன்” திரைப்படம் OTT யில் வெளியாகும் என்ற செய்தி தற்போது பரவி வருகிறது. ஏற்கனவே இந்த படத்தின் சாட்டிலைட் உரிமையை சன் நெட்வொர்க் நிறுவனம் பெற்றுள்ளது அனைவருக்குமே தெரிந்த விஷயம்.

தற்போது வருகிற தீபாவளியன்று இந்த திரைப்படம் சன் டிவியில் ஒளிபரப்பாகும் என்ற செய்தி பரவி வருவதால் அதற்கு முன்னரே இந்த திரைப்படம் OTTயில் வெளியாகுமா என்ற கேள்வி தற்போது எழுந்துள்ளது.

இதைப் பற்றி எந்த ஒரு அதிகாரப்பூர்வமான தகவலும் வெளியாகாத நிலையில் ஆர்ஜே.பாலாஜி இயக்கத்தில் நயன்தாரா நடிப்பில் உருவாகிவரும் மூக்குத்தி அம்மன் திரைப்படம் திரையரங்கில் வெளிவருமா அல்லது OTTயில் வெளிவருமா என்பதை பொறுத்திருந்துதான் பார்க்க வேண்டும். இந்த படத்தை வேல்ஸ் இன்டர்நேஷனல் பிலிம்ஸ் புரோடக்சன் தயாரித்துள்ளது குறிப்பிடத்தக்கது. மேலும் இந்த படத்தில் நயன்தாரா மற்றும் ஆர் ஜே பாலாஜி உடன் ஊர்வசி மற்றும் இந்துஜா ரவிச்சந்திரன் நடித்துள்ளார்கள்.