வாரிசு பாடலுக்கு எழுந்துள்ள எதிர்ப்பு !

நடிகர் விஜய் தற்போது வம்சி இயக்கத்தில் வாரிசு படத்தில் நடித்து வருகிறார் . தெலுங்கில் பிரபல தயாரிப்பாளராக இருக்கும் தில் ராஜு இந்த படத்தை தயாரித்து வருகிறார் . ராஷ்மிகா நாயகியாக நடிக்கும் இந்த படத்திற்கு தமன் இசையமைத்துள்ளார். பிரபு , சரத்குமார் , பிரகாஷ் ராஜ் ,குஷ்பு , ஷ்யாம் , உள்ளிட்ட பல நட்சத்திரங்கள் இந்த படத்தில் நடித்து உள்ளனர் .

இந்நிலையில் வாரிசு படத்தின் முதல் பாடல் சில நாட்களுக்கு முன் வெளியானது . தமன் இசையில் ரஞ்சிதமே என்கிற பாடலை நடிகர் விஜய் மற்றும் மானசி இணைந்து பாடி இருந்தனர் . வெளியான முதல் எந்த பாடல் விஜய் ரசிகர்களிடம் நல்ல வரவேற்பை பெற்று வந்தாலும் நெட்டிசன்கள் ரஞ்சிதமே பாடல் மொச்ச கொட்டை பல் அழகி என்கிற பாடலின் காப்பி என்ற கருத்து தெரிவித்து வருகின்றனர் .

இது ஒரு பக்கம் தற்போது வாரிசு படத்தின் ரஞ்சிதமே பாடல் சர்ச்சையில் சிக்கி உள்ளது . பாடலாசிரியர் விவேக் எழுதி உள்ள இந்த பாடலில் இடம் பெற்று உள்ள ” உச்சு கொட்டும் நேரத்திலே உச்சம் தொட்டவளே ” என்ற வரிகளுக்கு கடும் எதிர்ப்பு . பாடலின் உண்மையான அர்த்தம் புரியாமலேயே பல சிறுவர் பாடுவார்கள் ,விஜய் போன்ற பிரபல நடிகர்கள் , சமூக பொறுப்பை கடைபிடிக்க வேண்டும் என்று மக்கள் சமூக வலைத்தளத்தில் கருத்து தெரிவித்து வருகின்றனர் .