பில்லா படம் பற்றி மனம் திறந்த நயன்தாரா !

தமிழ் சினிமாவில் முன்னணி நடிகையாக இருப்பவர் நயன்தாரா . 2005-ஆம் ஆண்டு இயக்குநர் ஹரி இயக்கத்தில் வெளியான ஐயா படம் மூலம் தமிழ் சினிமாவில் நாயகியாக அறிமுகமானார் . தமிழில் தனது இரண்டாவது படத்திலேயே சூப்பர்ஸ்டாருக்கு ஜோடியாக நடித்து அசத்தி இருந்தார் . அதன் பிறகு பல சூப்பர்ஹிட் படங்களில் நடித்து இருக்கிறார் .

இந்நிலையில் சமீபத்தில் பேட்டி ஒன்றில் பேசிய நயன்தாரா தான் நடித்த பில்லா படம் பற்றி பேசி இருந்தார் .
பில்லா படத்திற்கு முன் நான் ஹோம்லி கதாபாத்திரங்களில் நடித்து வந்தேன் . பில்லா படத்தில் வந்த கதாபாத்திரத்தை போல் எந்த ஒரு இயக்குநரும் என்னை நம்பி தரவில்லை .

பில்லா படத்தின் இயக்குநர் விஷ்ணு வர்தன் மற்றும் அவரது மனைவியும் என் மேல் நம்பிக்கை வைத்து அந்த பாத்திரத்தில் நடிக்க வைத்தார்கள் என்று கூறியுள்ளார் .